Pilar Eyre

Pilar Eyre

(2015)
Biografía
Nacemento	13 de setembro de 1951 (73 anos) Barcelona, España
Actividade
Ocupación	escritora, xornalista, youtubeira

Pilar Eyre Estrada, nada en Barcelona o 13 de setembro de 1951, é unha novelista e periodista española de orixe galega.

Biografía

Filla do pintor galego Vicente Eyre Fernández († 2008) e de Pilar Estrada Borrajo de Orosco († 1992), Pilar é a mediana de tres irmás. As súas irmás chámanse Olga e Georgina. Tras estudar Filosofía e Letras e Ciencias da Información, adicouse plenamente ao xornalismo, en primeiro lugar en prensa escrita, colaborando en diarios como Hoja del Lunes, La Vanguardia, Interviú, El Periódico de Catalunya ou El Mundo.

Posteriormente, deu o salto aos medios audiovisuais, tanto radio coma televisión. Foi a través da pequena pantalla como obtivo un maior grao de popularidade, colaborando sobre todo como analista e comentarista de crónica social. Así, dende principios da década de 1990 comezou a colaborar con Jordi González no programa La palmera (1991), que se emitía en Televisión Española. Sucesivamente, as súas aparicións como contertulia e entrevistadora habitual, inclúen os espazos La máquina de la verdad (1993), con Julián Lago, Hormigas blancas (2007), con Jorge Javier Vázquez, ¡Qué tiempo tan feliz! (2010), con María Teresa Campos e La Noria (2008-2012) de novo con Jordi González.

A súa relación coa literatura iníciase en 1985, cando publica Vips: todos los secretos de los famosos. Foi finalista do Premio Planeta 2014 coa novela Mi color favorito es verte, historia autobiográfica que conta a historia de amor de madurez dunha xornalista cun reporteiro de guerra, ao que coñece tres días antes de que este teña que partir, o seu secuestro e a busca que a periodista emprende para tratar de reencontralo.

En 2014, foi finalista do Premio Planeta e, en decembro de 2015, gañou o I Premio Joaquín Soler Serrano de Literatura.

Obras publicadas

• Yo, el rey (2020) ISBN 978-84-9164-949-6
• Un perfecto caballero (2019) ISBN 978-84-0821-561-5
• Carmen, la rebelde (2018) ISBN 978-84-0818-144-6
• Un amor de Oriente (2016) ISBN 978-84-0816-165-3
• No me olvides (2015) ISBN 978-84-0814-586-8
• Mi color favorito es verte (2014) ISBN 978-84-0813-406-0
• Franco confidencial (2013) (biografía íntima de Francisco Franco) ISBN 978-84-2334-741-4
• La reina de la casa (2012) (ensaio sobre a muller) ISBN 978-84-2333-930-3
• La soledad de la reina: Sofía una vida (2012) (Biografía da raíña Sofía) ISBN 978-84-9970-285-8
• María la Brava: La madre del rey (2010) (sobre Mercedes de Borbón-Dúas Sicilias) ISBN 978-84-9734-231-5
• Pasión imperial (2010) (sobre Uxía de Montijo) ISBN 978-84-9734-932-1
• Ena. La novela (2009) (sobre Vitoria Uxía de Battenberg) ISBN 978-84-9734-910-9
• Ricas, famosas y abandonadas (2008) ISBN 978-84-9734-732-7
• Secretos y mentiras de la Familia Real (2007) ISBN 978-84-9734-585-9
• Dos Borbones en la corte de Franco (2005) (sobre a relación entre Xoán Carlos de Borbón e Afonso de Borbón) ISBN 978-84-9734-393-0
• Cibersexo (2002) ISBN 978-84-8450-833-5
• Quico Sabaté, el último guerrillero (2001) ISBN 978-84-8307-408-4
• Mujeres, veinte años después (1996) ISBN 978-84-01-39052-4
• Callejón del olvido (1992) ISBN 978-84-264-4902-3
• Todo empezó en el Marbella Club (1989) ISBN 978-84-320-6807-2
• Vips: todos los secretos de los famosos (1985) ISBN 978-84-320-4348-2

Véxase tamén

Ligazóns externas

• Datos da escritora en casadellibro.com (en castelán)
• Datos da escritora en imdb.com (en inglés)