Placa da matrícula (automobilismo)
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2015.) |
A placa da matrícula[1], tamén chamada sinxelamente matrícula ou placa, é unha placa de metal ou plástico fixada a un vehículo autómobil co fin da súa identificación oficial. Estas placas teñen unha serie de caracteres numéricos e alfabéticos.
Na maioría dos países, os automóbiles, así como os demais vehículos dunha cilindrada de motor mínima, deben levar suxeita unha placa na parte frontal e outra na parte traseira, aínda que nalgúns lugares ou nalgúns tipos de vehículos só se exixe a placa traseira.
Hai dous sistemas de matriculación. Un primeiro no que as placas as fabrican e as entregan as autoridades, como ocorre en Suíza, Alemaña, a meirande parte dos países americanos etc... e outro no que as autoridades asignan a matrícula ao vehículo e a placa debe comprarse en lugares autorizados, que é o caso de España ou Francia. Nalgúns países existen placas provisionais mentres non se completaron os trámites de matriculación.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para placa.
