Plasma A

Plasma A foi o nome dunha serie de dous satélites de proba soviéticos.^[1]^[2]

Características

Os satélites Plasma A foron dous satélites de demostración tecnolóxica para probar os sistemas dos satélites de recoñecemento nucleares US-AM, sucesores dos US-A e que nunca chegaron a entrar en servizo. Os Plasma A usaban o mesmo bus que os US-A pero co novo reactor nuclear Topaz a usar nos US-AM, que utilizaba conversión por termoemisión para xerar ata 10 kW de potencia eléctrica. Os satélites non tiñan as antenas de radar dos satélites en produción, pero si a maior parte do resto de sistemas, como os motores iónicos, os motores de estabilización, os sensores solares, os compensadores de momento magnético e os sistemas de comounicación.^[1]^[2]

Lanzáronse dous Plasma A, ambos mediante foguetes Tsiklon-2, o primeiro o 1 de febreiro de 1987 e o segundo o 10 de xullo dese mesmo ano.^[1]^[2]

Notas

↑ ^1,0 ^1,1 ^1,2 Mark Wade (2023). "Plasma-A" (en inglés). Consultado o 12 de setembro de 2023.
↑ ^2,0 ^2,1 ^2,2 Gunter Dirk Krebs (2023). Gunter's Space Page, ed. "Plasma-A" (en inglés). Consultado o 12 de setembro de 2023.

Véxase tamén

Outros artigos

US-A

[astronautix-1] 1,0 ^1,1 ^1,2 Mark Wade (2023). "Plasma-A" (en inglés). Consultado o 12 de setembro de 2023.

[gunter-2] 2,0 ^2,1 ^2,2 Gunter Dirk Krebs (2023). Gunter's Space Page, ed. "Plasma-A" (en inglés). Consultado o 12 de setembro de 2023.

[1]

[2]