Camón americano
| Camón americano | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 adulto
| |||||||||||||||||
| Estado de conservación | |||||||||||||||||
 Pouco preocupante[1] | |||||||||||||||||
| Clasificación científica | |||||||||||||||||
| |||||||||||||||||
 Todo o ano Reprodutores Non reprodutores
| |||||||||||||||||
| Sinonimia | |||||||||||||||||
| |||||||||||||||||
O camón americano[2] (Porphyrio martinica) é un rálido do xénero Porphyrio. O seu adxectivo de especie, martinica, significa 'da (illa) Martinica'.[3]
Descrición
[editar | editar a fonte]O camón americano é un rálido de mediano tamaño, que mide 26-37 cm de longo, ten unha envergadura alar de 50-61 cm e un peso de 141-305 g.[4][5] Os machos, cunha media de 257 g de peso, son lixeiramene maiores que as femias, que só chegan aos 215 g como media.[6] Un adulto ten plumaxe azul purpúreo que ao darlle ben a luz ten brillo verde ou turquesa. Os adultos tamén teñen un escudo azul claro na fronte, que conecta co bico vermello e amarelo. A escuridade ou a pouca luz poden atenuar as cores azul purpúreas do adulto e darlle unha aparencia escura ou amarronada, aínda que a cor do escudo frontal serve para diferencialos de especies similares como a Gallinula galeata. Os inmaturos son de cor marrón bronce, con plumas púrpuras no peito, e o bico e escudo frontal son de cor clara. As aves xoves son marróns claras cun tons de bronce verde nas ás e dorso, e cobertoiras brancas baixo a cola.[5]
Os camóns americanos teñen dedas longas que lles axudan a camiñar sobre a vexetación flotante, ao distribuíren o seu peso nunha superficie grande. Teñen unha disposicións das dedas anisodáctila que tamén faclita agararse aos talos das plantas. Os adultos teñen patas e pés amarelos intensos, os inmaturos teñen patas e pés marróns amarelados, e os xoves teñen patas e pés marróns. Cando voan, as patas quedan colgando. Adoitan voar só a curtas distancias.[5]
Distribución e hábitat
[editar | editar a fonte]Estas aves atópanse nos estados do sur dos Estados Unidos durante a estación reprodutora. Son especies residentes no sur da Florida, o Golfo de México e a costa do Pacífico de México, partes de América Central e o Caribe. Durante a estación non reprodutora, atópanse máis no interior en partes de América Central. Poden tamén encontrarse en América do Sur durante a migración, e ás veces desvíanse e poden verse no Canadá. O hábitat da especie son as marismas de auga doce con densa vexetación.[7]
A especie ten o maior padrón de divagancia entre os rálidos, con rexistros de individuos que chegan tan ao oeste como California e as Illas Galápagos, e tan ao norte como Islandia e o Labrador, e polo sur poden chegar ata Terra do Fogo, e polo leste a Gran Bretaña, Portugal e Cabo Verde.[Cómpre referencia]
Esta especie foi rexistrada na Provincia do Cabo en Suráfrica vinteúnha veces. A maioría das aves eran xoves, así que é moi improbable que se estableza alí un terreo de reprodución.[8]
Comportamento e ecoloxía
[editar | editar a fonte]Reprodución
[editar | editar a fonte]O cortexo dos camóns americanos prodúcese estando de pé e poden realizalo os dous sexos. O cortexo ocorre cando os membros da parella estiveron separados e pasan un preto do outro. Entón realizan a exhibición principal ambos os sexos á vez. A exhibición consiste en que a ave está de pé nunha posición lixeiramente inclinada cara a adiante, co pescozo estirado. As ás póñenas nun ángulo case recto respecto ao corpo e inclinadas nos pulsos, de tal xeito que as primarias fan un ángulo cara a abaixo. Despois da principal exhibición, unha ou ambas as aves alardean e cortan o paso da outra coas ás medio baixadas, ou fan unha pronunciada inclinación a medida que se aproximan.[9]
O niño aboia na auga e sitúano entre densa vexetación ao longo das beiras dos lagos, ríos e liña costeira das marismas. Poñen entre cinco e dez ovos de cor beixe ou rosa claro con manchas marróns ou púrpuras. A parella monógama defende os niños e territorios, e as aves novas permanecen no territorio para axudar a coidar os seus irmáns.[10]
Alimentación
[editar | editar a fonte]O camón americano é un omnívoro que se alimenta no chan. Forman parte da súa dieta unha gran variedade de plantas e animais. Algúns dos alimentos que consome son sementes, follas e froitos de plantas terrestres e acuáticas, insectos, larvas de insectos, arañas, outros invertebrados,[11] ras, caracois, miñocas de terra e peixes.[7] Tamén depreda ovos e crías doutras aves,[12][13] como as Jacana.[11]
Galería
[editar | editar a fonte]-
No Parque Nacional dos Everglades, Florida, EUA -
No Parque Nacional dos Everglades, Florida, EUA -
Alimentando un polo en Green Cay Wetlands, Boynton Beach, Florida, EUA -
No Parque Nacional dos Everglades -
Notas
[editar | editar a fonte]- ↑ BirdLife International (2016). "Porphyrio martinicus" 2016: e.T22692827A93371309. doi:10.2305/IUCN.UK.2016-3.RLTS.T22692827A93371309.en.
- ↑ "Denominación das aves". Real Academia Galega. Consultado o 2024-12-05.
- ↑ Jobling, James A (2010). The Helm Dictionary of Scientific Bird Names. Londres: Christopher Helm. pp. 242, 314. ISBN 978-1-4081-2501-4.
- ↑ "Purple gallinule". torontozoo.com. Toronto Zoo. Arquivado dende o orixinal o 10 de xaneiro de 2017. Consultado o 19 de setembro de 2023.
- ↑ 5,0 5,1 5,2 "Purple Gallinule". allaboutbirds.org.
- ↑ Dunning, John B. Jr., ed. (1992). CRC Handbook of Avian Body Masses. CRC Press. p. 94. ISBN 978-0-8493-4258-5.
- ↑ 7,0 7,1 "Purple Gallinule".
- ↑ Silbernagl, H. P (1982). "Seasonal and spatial distribution of the American purple gallinule in South Africa". Ostrich 53 (4): 236, 240. Bibcode:1982Ostri..53..236S. doi:10.1080/00306525.1982.9634581.
- ↑ Meanley, Brooke (1963). "Pre-nesting activity of the purple gallinule near Savannah, Georgia". The Auk 80 (4): 545, 547. JSTOR 4082862. doi:10.2307/4082862.
- ↑ McRae, Susan B. (2011). "Conspecific brood parasitism in the tropics: an experimental investigation of host responses in common moorhens and American purple gallinules". Ecology and Evolution 1 (3): 317, 329. Bibcode:2011EcoEv...1..317M. PMC 3287317. PMID 22393503. doi:10.1002/ece3.26.
- ↑ 11,0 11,1 "Porphyrio martinicus (Purple Gallinule or Blue Waterfowl)" (PDF). The Online Guide to the Animals of Trinidad and Tobago.
- ↑ Balasubramaniam, Shandiya; Guay, Patrick-Jean (2008). "Purple swamphens (Porphyrio porphyrio) attempting to prey upon black swan (Cygnus atratus) eggs and preying upon a cygnet on an urban lake in Melbourne, Australia". Wilson Journal of Ornithology 120 (3): 633, 635. doi:10.1676/07-150.1.
- ↑ Beadel, H. L. (1964). "Purple gallinule robs nest of green heron". The Auk 63 (1): 87, 88. JSTOR 4079916. doi:10.2307/4079916.
Véxase tamén
[editar | editar a fonte]Bibliografía
[editar | editar a fonte]- Kaufman, Kenn; Lives of North American Birds. Houghton Mifflin Company, Nova York, NY (1996).
Ligazóns externas
[editar | editar a fonte] |
Wikimedia Commons ten máis contidos multimedia na categoría: Camón americano |
- Vídeos do camón americano na Internet Bird Collection
- galería de fotos do camón americano VIREO
- Camón americano: fotos, vocalizacións, notas de The Birds of the Interior of Ceará, Brasil.