Pradal
Pradal[1] (en francés: Prairial) é o nome do noveno mes do calendario republicano francés, o terceiro dos meses da estación da primavera, que comeza o 20 ou 21 de maio e termina o 18 ou 19 de xuño, segundo o ano. Coincide de xeito aproximado co paso aparente do Sol pola constelación zodiacal de Xémini.
O nome do mes deriva do francés prairie (en galego: "pradaría"). Segundo o informe á Convención proposto por Fabre d'Églantine, o devandito nome refírese "á fecundidade riseira e á colleita das pradarías de maio a xuño". O sufixo -al denota que o mes pertence á estación da primavera, igual que xerminal e floreal.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para Pradal.
