Provincias ilirias
| Localización | ||||
|---|---|---|---|---|
| ||||
| Estado histórico | Primeiro Imperio Francés  | |||
| Capital | Liubliana | |||
| Poboación | ||||
| Poboación | 1.500.000 | |||
| Xeografía | ||||
| Parte de | ||||
| Datos históricos | ||||
| Creación | 1809 | |||
| Disolución | 1816 | |||
O das Provincias Ilirias (Provinces illyriennes, en francés) foi un estado satélite do Primeiro Imperio francés situado e a costa norte e leste do mar Adriático, no que foi a rexión histórica de Iliria.
As Provincias Ilirias creáronse o 14 de outubro de 1809 a raíz do Tratado de Schönbrunn, polo cal, entre outras disposicións, o Imperio austríaco cedía ao Imperio napoleónico Trieste e Dalmacia. A estes territorios sumouse a República de Ragusa, anexionada por Francia un ano antes.
A autoridade francesa levábaa a cabo un Gobernador Xeral, o primeiro dos cales foi Auguste Marmont. Entre as novidades que se implantaron destaca a instauración dun código civil (copia do francés) na rexión, e a utilización dos idiomas eslavos (esloveno e croata) no ensino.
En agosto de 1813, Austria declarou de novo a guerra a Napoleón e invadiu as Provincias Ilirias, apoiada polas tropas croatas que desertaban dos exércitos franceses. Pouco despois, en Dubrovnik, estalaba unha insurrección contra os franceses que os expulsou coa esperanza de restaurar a República de Ragusa. Porén, tras a ocupación austríaca, isto nunca chegou a consumarse.
Coa derrota definitiva de Napoleón en 1815, o Congreso de Viena ratificaba a soberanía austríaca na rexión e formáronse os Reinos de Iliria e de Dalmacia, como partes do Imperio austríaco.
Véxase tamén
[editar | editar a fonte]Bibliografía
[editar | editar a fonte]- Bundy, Frank J. (1988). The Administration of the Illyrian Provinces of the French Empire, 1809-1813. Taylor & Francis. ISBN 0-8240-8032-7.
Ligazóns externas
[editar | editar a fonte]- Gašperič, Primož (2010). "The 1812 Map of the Illyrian Provinces by Gaetan Palma". Acta geographica Slovenica (en inglés) 50 (2). doi:10.3986/AGS50205.