Qaryat al-Faw

Qaryat al-Faw
Tipo	xacemento arqueolóxico
Localización
División administrativa	Provincia de Riad, Arabia Saudita e As Sulayyi, Arabia Saudita
	19°47′N 45°09′L / 19.78, 45.15
Características
Patrimonio da Humanidade
Tipo	Patrimonio cultural → Mundo árabe
Data	2024 (46ª Sesión), Criterios de Patrimonio da Humanidade: (v) e (ii)
Identificador	1712
Candidato a Patrimonio da Humanidade
Data	8 de abril de 2015
Data de remate	xullo de 2024
Identificador	6029

Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

Qaryat al-Faw (en árabe: قرية الفاو) foi a capital do primeiro Reino de Kinda. Atópase a 100 km ao sur de de Wadi ad-Dawasir, e a 700 km ao suroeste de Riad, a cidade capital de Arabia Saudita. O sitio arqueolóxico de al-Faw conta cos restos numerosas edificacións como casas residenciais, mercados, estradas, cemiterios, templos e pozos de auga.^[1] Neste lugar atópase unha inscrición en árabe antigo do século I, escrito en alfabeto surarábigo, o máis antigo da súa clase no sur de Arabia.^[2]

En xullo de 2024, Qaryat Al-Faw foi declarado oficialmente Patrimonio da Humanidade da UNESCO.^[3]

Historia

Os investigadores saben pouco da cidade. Segundo as escavacións arqueolóxicas, a cidade data do século IV a.C.^[4] A cidade era coñecida orixinalmente polo corpus de inscricións no sitio como Qaryat Dhu Kahl. Kahl era a principal divindade adorada polas tribos árabes dos kindah e madh'hij.^[5] Tamén se coñece cos nomes de Qaryat al-Hamraa (Cidade Vermella) e Dhat al-Jnan (Cidade dos Xardíns) polos habitantes no seu período de prosperidade.

A idade de ouro da cidade estendeuse durante case oito séculos entre o século IV a.C. e o século IV d.C. antes de ser abandonada. No seu longo período, a cidade sobreviviu a varios ataques dos estados veciños, como suxiren os relatos sabeos de finais do século II d.C. Tamén a inscrición de Namara menciona a expedición de Imru' al-Qays ibn 'Amr a Najran onde chegou a Qaryat al-Faw e expulsou da cidade a tribo gobernante de Madh'hij.^[6] Nunca se volveu mencionar despois dese incidente, agás nun breve relato de al-Hamdani.

As escavacións arqueolóxicas revelaron que a cidade se desenvolveu a partir dunha pequena estación de paso de caravanas a un importante centro comercial, relixioso e urbano no centro de Arabia, Najd.

Notas

↑ "Qaryat Al Faw". Saudi Commission for Tourism and Antiquities. Arquivado dende o orixinal o 03 de agosto de 2017. Consultado o 23 de novembro de 2016.
↑ "A First Century BC Arabic Inscription In Musnad Script At Qaryat Al-Faw". Consultado o 13 de novembro de 2022.
↑ "The Cultural Landscape of Al-Faw Archaeological Area". UNESCO World Heritage Centre. Consultado o 2024-07-27.
↑ A. R. Al-Ansary, Qaryat Al-Fau: A Portrait Of Pre-Islamic Civilisation In Saudi Arabia, 1982, University of Riyadh (Saudi Arabia), p. 146.
↑ BM Report of Trustees 1981-84, pp.60-61, fig. 18
↑ المدنية في الوطن العربي في ضوء الاكتشافات الآثارية: النشأة والتطور p.98

[1] "Qaryat Al Faw". Saudi Commission for Tourism and Antiquities. Arquivado dende o orixinal o 03 de agosto de 2017. Consultado o 23 de novembro de 2016.

[2] "A First Century BC Arabic Inscription In Musnad Script At Qaryat Al-Faw". Consultado o 13 de novembro de 2022.

[3] "The Cultural Landscape of Al-Faw Archaeological Area". UNESCO World Heritage Centre. Consultado o 2024-07-27.

[4] A. R. Al-Ansary, Qaryat Al-Fau: A Portrait Of Pre-Islamic Civilisation In Saudi Arabia, 1982, University of Riyadh (Saudi Arabia), p. 146.

[5] BM Report of Trustees 1981-84, pp.60-61, fig. 18

[6] المدنية في الوطن العربي في ضوء الاكتشافات الآثارية: النشأة والتطور p.98

[1]

[2]

[3]

[4]

[5]

[6]