Ramón Sanjurjo Pardiñas

Ramón Sanjurjo Pardiñas

Biografía
Nacemento	22 de setembro de 1834 Crendes, España
Morte	12 de xaneiro de 1917 (82 anos) Vilaxoán, España
Alcalde de Santiago de Compostela
1 de xullo de 1895 – 1 de xaneiro de 1904 ← Cleto Troncoso Pequeño – Eduardo Vilariño Magdalena →
Alcalde de Santiago de Compostela
1 de xullo de 1887 – 25 de abril de 1891 ← José Vázquez Quirós – Ramón de Andrés-García López →
Deputado no Congreso dos Deputados
1865 – Circunscrición electoral: Pontevedra
Actividade
Ocupación	político
Familia
Fillos	Ramón Sanjurjo Neira
Premios
(1887)  Gran Cruz da Orde de Isabel a Católica

Ramón Sanjurjo Pardiñas Villardefrancos, nado en Crendes (Abegondo) o 22 de setembro de 1834 e finado en Vilaxoán o 12 de xaneiro de 1917, foi un político galego.

Traxectoria

Fillo de Agustín Sanjurjo Montenegro e María Ascensión Pardiñas de Villardefrancos, irmá do xeneral Ramón Pardiñas Villardefrancos. Propietario e descendente de fidalgos, foi elixido deputado a Cortes polo distrito de Pontevedra nas eleccións de 1865. Durante o Sexenio Democrático foi elixido deputado polo distrito de Corcubión en 1871, sendo reelixido en 1872. Na Restauración volveu ser elixido deputado por Corcubión en 1876. Foi un dos representantes do monterismo en Santiago de Compostela, onde foi alcalde entre 1887-1891 e entre 1895-1903.

Vida persoal

Casou con Sofía Neira Flórez (irmá de Gerardo Neira Flórez) e foi pai de Ramón Sanjurjo Neira.

Distincións

En 1890 a monarquía concedeulle o título de Marqués de Casa Pardiñas.

Véxase tamén

Bibliografía

• Barral Martínez, Margarita (2006). Escola Galega de Administración Pública (EGAP), ed. A administración local en Compostela na era monterista (PDF). Monografías 05. Santiago. p. 86. ISBN 978-84-453-4402-6. Arquivado dende o orixinal (PDF) o 07 de novembro de 2017. Consultado o 01 de novembro de 2018. 
• Dicionario biográfico de Galicia, Ir Indo Edicións, 2010-2011, Vigo.

Ligazóns externas

• Xenealoxía Marqueses de Casa Pardiñas