Ramona Giráldez
 (2010)  | |
| Biografía | |
|---|---|
| Nacemento | 15 de marzo de 1954 (70 anos) A Cañiza, España |
| Educación | Universidade de Santiago de Compostela |
| Actividade | |
| Ocupación | profesora, escritora |
 | |
Ramona Giráldez Domínguez, nada na Cañiza o 15 de marzo de 1954, é unha poeta e profesora galega.
Traxectoria
[editar | editar a fonte]Aínda que nada na Cañiza só viviu nesta vila uns meses, debido a que seu pai, mestre republicano, tiña alí a praza. Despois dun periplo por diversos lugares a familia instálase definitivamente en Santiago de Compostela cando a autora ten nove anos, onde estuda Bacharelato no IES Rosalía de Castro.
Licenciouse en Filoloxía Hispánica, e posteriormente na subsección de Galego-Portugués da Universidade de Santiago de Compostela. Profesora agregada de Lingua e Literatura Galega desde 1983 e catedrática da mesma materia desde 1996, impartiu clases en institutos de Vilagarcía de Arousa e Cambados; e desde os anos 1990 no IES Monte das Moas da Coruña.
En 2018 publicou o libro de poemas Tardes de domingo[1], con ilustracións de Luz Arufe.
A temática da súa poesía é intimista, con elementos paisaxísticos que ocupan un segundo plano, ambientando o desamor e a melancolía, e con matices de saudade e desacougo[2].
En A modo de introdución dise:
As tardes dos domingos.
As tardes dos domingos son poemas sobre a saudade e a soidade.
Sobre o amor e o desamor. Sobre a nostalxia dos amores perdidos e dos nunca consumados.
Tardes de rúas solitarias, ventás sobre terrazas e tellados, sobre tendais de roupa ao vento e antenas parabólicas.
Tardes de chuvia esvarando nos cristais ou de solpores luminosamente vermellos no mar.
E sempre constante a presencia dunha ausencia.
A presencia dunha ausencia que é, realmente, o sentido último da saudade[3].
En 2021 publicou As fotos da retina: un limiar e 49 relatos.
En 2024 volveu publicar poesía, A cohesión da auga: " A cohesión refirese á atracción que teñen as moléculas por outras do seu mesmo tipo, e as moléculas de auga teñen forzas cohesivas fortes, grazas á súa habilidade para formar pontes de hidróxeno entre elas".[4]
Obra
[editar | editar a fonte]Poesía
[editar | editar a fonte]- Tardes de domingo (2018). Noia: Toxosoutos. ISBN 978-84-947719-8-9. ISBN 978-84-123646-0-6.
- A cohesión da auga (2024). Noia: Toxosoutos. 139 páxs. ISBN 9788412849769.
Relatos
[editar | editar a fonte]- As fotos da retina (2021). A Coruña: Medulia Editorial. Ilustracións de Tania Arufe.[5] 198 páxs. ISBN 978-84-123646-0-6.
Notas
[editar | editar a fonte]- ↑ Giráldez, Ramona (2018). Tardes de domingo. Toxosoutos. ISBN 978-84-947719-8-9.
- ↑ "Ficha editorial". Consultado o 16/04/2018.
- ↑ Giráldez 2018.
- ↑ "Libro - Consorcio Editorial Galego". consorcioeditorial.com. Consultado o 2024-06-10.
- ↑ Presentación de As fotos da retina en Vigo
Véxase tamén
[editar | editar a fonte] |
Wikimedia Commons ten máis contidos multimedia na categoría: Ramona Giráldez  |
Ligazóns externas
[editar | editar a fonte]- Presentación de Tardes de domingo en Santiago, Consultado o 16/04/2018
- Presentación de Tardes de domingo na Coruña, Consultado o 16/04/2018
- Conversa con Manuel Castelao sobre Carvalho Calero, Consultado 22/12/2020
