Rana draytonii
| Rana draytonii | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Estado de conservación | |||||||||||||||
 Vulnerable[1] | |||||||||||||||
| Clasificación científica | |||||||||||||||
| |||||||||||||||
| Sinonimia | |||||||||||||||
Rana draytonii é unha especie de ra que se encontra en California (EUA) e norte de Baixa California (México). Anteriormente era considerada unha subespecie da Rana aurora e recibía o nome de Rana aurora draytonii, pero posterioremnte foi separada na súa especie propia.[2] A IUCN considéraa unha especie vulnerable e está na lista federal de especies ameazadas dos Estados Unidos, onde está protexida pola lei.[1][3]
Distribución
[editar | editar a fonte]Vive en Califorma e no extremo norte de Baixa California ao noroeste de México.[1] Onde máis abunda é o longo das cadeas montañosas costerias de California do norte e sur, e en áreas illadas das ladeiras de Sierra Nevada.[1] As poboacións californianas máis ao sur actuais son as da Chaira de Santa Rosa no condado de Riverside, e as da Reserva de Espazo Aberto de Upper Las Virgenes Canyon nas Simi Hills ao leste do condado de Ventura, preto da comunidade de West Hills.[1][4] En 2015, masas de ovos recollidos nas Simi Hills foron introducidos en dous ríos das Montañas de Santa Mónica. Atopáronse ras novas vivindo nesas localidades un ano máis tarde.[5]
Descrición
[editar | editar a fonte]R. draytonii é unha ra de tamaño mediano a grande de 4,4 a 14 cm. O dorso é marrón, gris, oliva ou avermellado, con pintas negras e manchas escuras irregulares de centro claro, e teñen grosos granulacións. Ten unha máscara escura con beiras abrancazadas sobre a mandíbula superior e pintas negras e vermellas ou amarelas nas inguas. A parte inferior do abdome e as partes inferiores das patas dianteiras son normalmente vermellas. O macho pode recoñecerse polas súas grandes patas traseiras, polgares e dedos palmados. As ras xuvenís teñen manchas dorsais máis pronunciadas e poden ter marcas amarelas en vez de vermellas na parte inferior das patas traseiras. Unha característica distintiva é o pregamento dorsolateral, visible a ambos os lados do animal, que se estende aproximadamente desde o ollo á cadeira. R. draytonii parécese moito a R. aurora.
Ecoloxía e comportamento
[editar | editar a fonte]Estímase que esta especie desapareceu do 70% da súa anterior área de distribución e agora só quedan poboacións en 256 ríos ou cuncas de drenaxe de 28 condados de California.[6] Porén, a especie é aínda común ao longo da costa e a maioría do declive observado das poboacións ten lugar en Sierra Nevada e sur de California. Esta ra é unha importante fonte de alimento para a subespecie de serpe en perigo Thamnophis sirtalis tetrataenia no condado de San Mateo.
A reprodución ten lugar de novembro a marzo ou ás veces máis cedo cara ao límite sur da súa área. A chamada de anuncio do macho é unha serie de pequenos gruñidos, emitidos xeralmente mentres nada baixo a auga. Os coros son febles e facilmente pasan desapercibidos. Esta especie adoita ser activa polo día e habita en zonas de vexetación de ribeira densa, arbustiva ou emerxente e en corpos de auga tranquilos ou de augas lentas perennes ou efémeros que tamén lle serven como sitios de reprodución.
Os cágados (larvas) desta especie poden metamorfizarse en ras nuns 7 meses despois da eclosión do ovo ou poden pasar todo o inverno sen empezar a metamorfose ata 13 meses despois da eclosión.[7] Este é un descubrimento recente, que pode ter implicacións para a xestión conservacionista da especie, especialmente cando os hábitats acuáticos sofren modificacións.
Conservación
[editar | editar a fonte]
Esta ra está listada como ameazada e protexida polas leis californianas e as federais. A causa principal do declive da poboación é a perda de hábitat e a súa destrución, pero especies predadoras introducidas como Lithobates catesbeianus, poderían ser tamén un factor que inflúe negativamente.
- 2006
Despois de varios anos de litixio iniciado polas organizacións para o desenvolvemento do territorio como a Home Builders Association of Northern California e a opinion dos científicos, o Servizo de Vida Silvestre e Pesca dos Estados Unidos anunciou en abril de 2006 a designación duns 1800 km2 de hábitat crítico en California para a ra ameazada. Este hábitat protexido non indluía terras no condado de Calaveras, onde se situaba o relato curto de Mark Twain "The Celebrated Jumping Frog of Calaveras County" (A célebre ra saltarica do condado de Calaveras), que protagoniza esta especie.
- 2008
En setembro de 2008, o Servizo de Vida Silvestre dos Estados Unidos propuxo máis que triplicar o hábitat desta ra, citando manipulación política do anterior subsecretario adxunto Julie MacDonald no Departamento do Interior dos Estados Unidos. Segundo Los Angeles Times, "o desenvolvemento e destrución de zonas húmidas eliminara as ras de máis do 70% da súa área histórica. MacDonald reducira o que quedaba da área de distribución da ra nun 82%."[8] O condado de San Mateo e o de Monterey parecían albergar algunhas das maiores e máis saudables poboacións desta especie, especialmente en zonas húmidas costeiras.[9][10]
- 2010
En marzo de 2010, o Servizo de Vida Salvaxe e Pesca dos Estados Unidos anunciou a protección de 6500 km2 para esta especie en California, o cal tivo consecuencias no desenvolvemento e uso de ditas terras.[1][11][12] As maiores poboacións da ra recibirán protección nunha zona de 48 acres no condado de Placer.[13]
- 2015
Unha nova lei designou a ra R. draytonii como "anfibio do estado" de California. Actualmente está suxeita a protección por leis federais e estatais aprobadas en 1996. Aínda que a designación oficial como anfibio do estado non proporciona de seu protección legal como especie ameazada, serviu para salientar a importancia dos lugares de California onde vive para a súa protección.[14]
Notas
[editar | editar a fonte]- ↑ 1,0 1,1 1,2 1,3 1,4 1,5 Hammerson, Geoffrey (2008). "Rana draytonii". IUCN Red List of Threatened Species 2008: e.T136113A4240307. doi:10.2305/IUCN.UK.2008.RLTS.T136113A4240307.en. Consultado o 31 December 2018.
- ↑ Frost, Darrel R. (2018). "Rana draytonii Baird and Girard, 1852". Amphibian Species of the World: an Online Reference. Version 6.0. American Museum of Natural History. Consultado o 31 December 2018.
- ↑ "California red-legged frog (Rana draytonii)". ECOS Environmental Conservation Online System. U.S. Fish and Wildlife Service. Arquivado dende o orixinal o 02 de xullo de 2017. Consultado o 28 de abril de 2019.
- ↑ Federal Register: "Endangered and Threatened Wildlife and Plants: Revised Designation of Critical Habitat for California Red-Legged Frog; Final Rule" Arquivado 07 de novembro de 2018 en Wayback Machine. . pg. 3 of pdf . accessed 6.16.2013
- ↑ Carlson, Cheri (June 15, 2015). "Gone for decades, red-legged frogs surviving in Santa Monica Mountains". Ventura County Star. Consultado o 5 March 2016.
- ↑ "Recovery Plan for the California Red-legged Frog (Rana aurora draytonii)" (PDF). Portland, Oregon: U.S. Fish and Wildlife Service. 2002. Consultado o 2013-04-03.
- ↑ Fellers, G. M., et al. 2001. Overwintering tadpoles in the California red-legged frog (Rana aurora draytonii). Herpetological Review 32:156–157.
- ↑ Cart, J. Room to stretch a frog's red legs. Los Angeles Times September 17, 2008.
- ↑ "California Red-Legged Frog". Wild Equity Institute. Arquivado dende o orixinal o 05 de marzo de 2016. Consultado o August 29, 2011.
- ↑ "California Red-Legged Frog" (PDF). California Department of Pesticide Regulation. 2002. Arquivado dende o orixinal (PDF) o 25 de maio de 2017. Consultado o August 29, 2011.
- ↑ 6:19 pm (2010-03-16). "Endangered California Red-Legged Frog to Receive Large New Protected Habitat Area - Finally". Latimesblogs.latimes.com. Consultado o 2014-01-26.
- ↑ .PDF Maps of Northern and Southern Protected Ranges via FWS Arquivado May 13, 2008, en Wayback Machine.
- ↑ Perlman, D. Red-legged frogs get 48-acre preserve in Sierra. — San Francisco Chronicle November 24, 2010.
- ↑ Assembly Bill 2364 codified as Government Code §422.7. Effective January 1, 2015.
"California red-legged frog named state amphibian". KPCC. Associated Press. 7 July 2014. Arquivado dende o orixinal o 28/04/2019. Consultado o 1 January 2015.
"New California laws for 2015: Frogs, drones, Confederate flags". Los Angeles Times. 1 January 2015. Consultado o 1 January 2015.
Véxase tamén
[editar | editar a fonte] |
Wikimedia Commons ten máis contidos multimedia na categoría: Rana draytonii |
Outros artigos
[editar | editar a fonte]Bibliografía
[editar | editar a fonte]- Hillis, D.M. & Wilcox, T.P. (2005): Phylogeny of the New World true frogs (Rana). Mol. Phylogenet. Evol. 34(2): 299–314. doi 10.1016/j.ympev.2004.10.007 PMID: 15619443 PDF fulltext Arquivado 28 de maio de 2008 en Wayback Machine..
- Shaffer, H. Bradley, Gary M. Fellers, S. Randal Voss, Jeff Oliver, Greg Pauly (2004) Species boundaries, phylogeography, and conservation genetics of the red-legged frog (Rana aurora/draytonii) complex. Molecular Ecology. 13(9): 2667-2677.
- "A Field Guide to the Reptiles and Amphibians of Coastal Southern California" Arquivado 25 de agosto de 2009 en Wayback Machine. — by Robert N. Fisher and Ted J. Case, USGS.
- Barry, Sean J., Gary M. Fellers (2013) History and Status of the California Red-Legged Frog (Rana draytonii) in the Sierra Nevada, California, USA. Herp. Conser. Biol. 8(2): 456-502 http://www.herpconbio.org/Volume_8/Issue_2/Barry_Fellers_2013.pdf
Ligazóns externas
[editar | editar a fonte]- "A Field Guide to the Reptiles and Amphibians of Coastal Southern California" — Rana draytonii[Ligazón morta] — artigo + imaxes.
- U.S. Fish and Wildlife Service: California red-legged frog Arquivado 21 de abril de 2006 en Wayback Machine.
- SF-NPS: Rana draytonii (California Red-Legged Frog)Arquivado 07 de novembro de 2018 en Wayback Machine. — descrición detallada e hábitats.
- Washington Post: "Calif. Frog at Center of Protection Debate"