República Autónoma de Abkhazia

República Autónoma de Abkhazia
	აფხაზეთის ავტონომიური რესპუბლიკა (ka); Аԥснытәи Автономтә Ареспублика (ab)
Localización
	43°05′01″N 41°15′49″L / 43.0837, 41.2636
Territorio reivindicado por	Governo da República da Abecásia (pt)
Estado	Xeorxia
Capital	Sukhumi
Contén a división administrativa	Gagra Municipality (en) ; Gali Municipality (en) ; Gudauta Municipality (en) ; Gulripshi Municipality (en) ; Ochamchire (pt) ; Sokhumi Municipality (en)
Poboación
Poboación	2.013 (1994) (0,23 hab./km²)
Lingua oficial	lingua xeorxiana ; Lingua abkhaza
Xeografía
Superficie	8.665 km²
Datos históricos
Precedido por	República Socialista Soviética Autônoma de Abcácia (pt)
Creación	1991
Organización política
Órgano executivo	Governo da República Autônoma da Abecásia (pt)
• Xefe do goberno	Ruslan Abashidze (en) (2019–)
Identificador descritivo
Fuso horario	UTC+04:00
Prefixo telefónico	44
ISO 3166-2	GE-AB
Sitio web	abkhazia.gov.ge

Este artigo amosa letras xeorxianas. Sen o soporte axeitado, o texto pode mostrar símbolos sen sentido, coma caixas, marcas e outros.

O Goberno da República Autónoma de Abkhazia (xeorxiano: აფხაზეთის ავტონომიური რესპუბლიკის მთავრობა) é unha administración recoñecida por Xeorxia como o goberno legal e único de Abkhazia. Abkhazia foi "de facto" independente de Xeorxia, aínda que con moi pouco recoñecemento internacional, desde principios de 1990. Vakhtang Kolbaia, elixido en abril de 2013, é o actual xefe do goberno no exilio.

Logo da Guerra en Abkhazia (1992-1993), Xeorxia propuxo negociacións a cinco bandas entre o Goberno da República Autónoma, o goberno de Abkhazia "de facto" e do goberno de Xeorxia, xunto con Rusia e a ONU como partes interesadas, para resolver o estado final de Abkhazia no marco do estado xeorxiano.^[1] O lado Abkhazio quería asegurarse de que Xeorxia non intentaría resolver o problema pola forza das armas antes de tomar parte nas negociacións.

Entre setembro de 2006 e xullo de 2008, o goberno da República Autónoma de Abkhazia tivo a súa sede na Alta Abkhazia. pero, foi obrigado a abandonar o territorio de Abkhazia en agosto de 2008, durante a Guerra Ruso-Xeorxiana, polas Forzas Armadas de Abkhazia. Alta Abkhazia é un territorio que ten unha poboación de cerca de 2.000 habitantes (1-1,5% da poboación de posguerra de Abkhazia) e está situada na parte superior do Val de Kodori (aproximadamente o 17% do territorio da antiga República Autónoma Socialista Soviética de Abkhazia. O goberno no exilio é parcialmente responsable dos asuntos duns 250.000 desprazados internos que foron forzados a abandonar a Abkhazia logo da guerra de Abkhazia e a resultante limpeza étnica de xeorxianos da zona.^[2]^[3]

Historia

Sukhumi, *de jure* capital da República Autónoma de Abkhazia.

Durante a Guerra en Abkhazia, o Goberno da República Autónoma de Abkhazia, entón chamado o "Consello de Ministros de Abkhazia", deixou Abkhazia despois de que as forzas separatistas abkhazas tomasen o control da capital da rexión Sukhumi. Logo de fortes combates o 27 de setembro de 1993, que levarona ao masacre de Sukhumi, no que varios rebeldes do goberno de Abkhazia, incluído o seu presidente Zhiuli Shartava, foron executados polos rebeldes. O Consello de Ministros trasladouse á capital de Xeorxia Tbilisi, onde operou como o Goberno de Abkhazia no exilio durante case 13 anos. Durante este período, o goberno de Abkhazia no exilio, dirixido por Tamaz Nadareishvili, era coñecido por unha actitude dura no problema abkhazo e frecuentemente expresou a súa opinión de que a solución ao conflito só se pode alcanzar a través da resposta do exército de Xeorxia ao secesionismo. Máis tarde, a administración de Nadareishvili viuse implicada nalgunhas disputas internas e non tomou parte activa na política de Abkhazia ata que un novo presidente, Irakli Alasania, foi nomeado polo presidente de Xeorxia, Mikheil Saakashvili, o seu enviado nas negociacións de paz sobre Abkhazia.

Logo da exitosa operación xeorxiana da Crise de Kodori de 2006 no Val Kodori, cualificada como operación policial, na que o "señor da guerra" Emzar Kvitsiani foi desarmado e a orde constitucional restituída na zona, o presidente Saakashvili anunciou, o 27 de xullo de 2006, que as autoridades decidiran establecer o goberno abkhazo baseado en Tbilisi no exilio no desfiladeiro de Kodori (Alta Abkhazia):

Esta decisión significa que por primeira vez desde 1993 o goberno entra no medio da Abkhazia, da nosa Abkhazia, para exercer a xurisdición xeorxiana e a orde constitucional xeorxiana. Este é un feito moi importante e un acontecemento político fundamental.^[4]

Durante a Guerra Ruso-Xeorxiana de 2008, a República de Abkhazia uniuse cos osetios e abriu unha segunda fronte contra Xeorxia. Durante a Batalla do Val de Kodori as forzas abkhazas leales ao Goberno da República de Abkhazia empuxaron ao Goberno da República Autónoma de Abkhazia fóra da rexión de Abkhazia. Sergei Bagapsh, o presidente do Goberno da República de Abkhazia dixo nun discurso aos abkhazos que dicían que "a xurisdición do estado de Abkhazia foi restaurada na parte ald do Val de Kodori.^[5]

Notas

↑ "The Resolution of the Parliament of Georgia on the measures of conflict settlement in Abkhazia". Arquivado dende o orixinal o 30 de setembro de 2007. Consultado o 18 de agosto de 2018.
↑ Birgitte Refslund Sørensen, Marc Vincent (2001), Caught Between Borders: Response Strategies of the Internally Displaced, pp. 234-5. Pluto Press, ISBN 0-7453-1818-5.
↑ On Ruins of Empire: Ethnicity and Nationalism in the Former Soviet Union Georgiy I. Mirsky, p. 72
↑ Tbilisi-Based Abkhaz Government Moves to Kodori Arquivado 12 de outubro de 2007 en Wayback Machine., Civil Georgia, 27 de xullo de 2006. URL accessed on 28 de xullo de 2007.
↑ "Sergei Bagapsh announces restoration of control over Kodori Gorge". Arquivado dende o orixinal o 18 de abril de 2012. Consultado o 18 de agosto de 2018.

Véxase tamén

Ligazóns externas

Government website

[1] "The Resolution of the Parliament of Georgia on the measures of conflict settlement in Abkhazia". Arquivado dende o orixinal o 30 de setembro de 2007. Consultado o 18 de agosto de 2018.

[2] Birgitte Refslund Sørensen, Marc Vincent (2001), Caught Between Borders: Response Strategies of the Internally Displaced, pp. 234-5. Pluto Press, ISBN 0-7453-1818-5.

[3] On Ruins of Empire: Ethnicity and Nationalism in the Former Soviet Union Georgiy I. Mirsky, p. 72

[civil20060727-4] Tbilisi-Based Abkhaz Government Moves to Kodori Arquivado 12 de outubro de 2007 en Wayback Machine., Civil Georgia, 27 de xullo de 2006. URL accessed on 28 de xullo de 2007.

[5] "Sergei Bagapsh announces restoration of control over Kodori Gorge". Arquivado dende o orixinal o 18 de abril de 2012. Consultado o 18 de agosto de 2018.

[1]

[2]

[3]

[4]

[5]