Revolución sen sangue
| Revolución sen sangue | |
|---|---|
| Ficha técnica | |
| Título orixinal | Revolução sem sangue |
| Director | Rui Pedro Sousa |
| Guión | Rui Pedro Sousa Amp Rodriguez |
| Intérpretes | Helena Caldeira Diogo Fernandes Rafael Paes Rui Pedro Sousa Dinarte de Freitas |
| Estudio | Filmesdamente Station Productions |
| Estrea |  11 de abril de 2024 25 de abril de 2024 (TVG) |
| Duración | 103 minutos |
| Orixe | Portugal |
| Na rede | |
  | |
Revolución sen sangue (en portugués: Revolução sem sangue) é un filme portugués de 2024 dirixido por Rui Pedro Sousa. O filme, que é o debut como director de Sousa,[1] estreouse o 11 de abril de 2024 en Portugal,[2] facéndoo cadrar co 50º aniversario da Revolución dos Caraveis, a cal se mostra no filme.[3] Malia que esta revolución se considera en gran parte "sen sangue", o filme céntrase en catro[N 1] persoas que foron asasinadas durante estes eventos.[4] É por iso que o título, que se mostra como Revolução sem sangue nos créditos iniciais aparece estilizado Revolução sem sangue[5] nos créditos finais (que tamén apareceu como Revolução (sem) sangue nalgúns medios de comunicación).[6] O filme baséase en feitos reais que tiveron lugar entre o 24 e o 26 de abril de 1974 en Lisboa.[7]
Estreouse en galego o 25 de abril de 2024 a través da TVG,[8] cadrando co día que se produciu a Revolución dos Caraveis. Tamén estivo dispoñible só por ese día na plataforma dixital AGalega.[9]
Sinopse
[editar | editar a fonte]João Arruda é un estudante dos Azores na Universidade de Lisboa e está interesado no marxismo e a filosofía política. Fernando Giesteira traballa de camareiro coa esperanza de estudar despois. Fernando Reis é un soldado que chega a Lisboa por uns días. O camiño dos tres mozos, esperando máis liberdade no país, lévaos diante da sede da Polícia Internacional e de Defensa do Estado (PIDE), en Lisboa, o día 25 de abril de 1974. Alí, António Lage traballa como funcionario, pero os seus escrúpulos vólvense insoportables ao presenciar a tortura dunha moza (Inês) e decide abandonar o seu posto. Mentres a radio informa de que na cidade se está a producir unha concentración crecente da poboación apoiada polo exército, o director da PIDE decide queimar documentos comprometedores e deixar que Inês sexa liberada pola mañá. Pero pola noite volve entre a multitude, acompañada da súa filla pequena, para sumarse ás manifestacións e berrar a súa rabia ante a sede da PIDE. Dende as fiestras do edificio, a PIDE comeza a disparar contra a multitude. Inês é alcanzada por unha bala pero Fernando Reis consegue arrastrala inconsciente fóra do campo de tiros. João Arruda e Fernando Giesteira son fusilados, mentres que Fernando Reis recibe un disparo accidental por outro soldado mentres intentaba atrapar a Lage, que se rendera pero tamén recibe un disparo mentres está fuxindo. Morren os catro homes; o destino de Inês non está claro.
Personaxes
[editar | editar a fonte]- Lucas Dutra como Fernando Giesteira
- Rafael Paes como João Arruda
- Diogo Fernandes como Fernando Reis
- Manuel Nabais como António Lage
- Teresa Vieira como Inês
- Helena Caldeira como Rita, moza de Fernando Giesteira
Produción
[editar | editar a fonte]A rodaxe do filme produciuse en Lisboa.[1][10] Produciuse coa axuda de familiares das vítimas.[11]
Notas
[editar | editar a fonte]- ↑ O número oficial de vítimas é 5.
Referencias
[editar | editar a fonte]- ↑ 1,0 1,1 ""Revolução (Sem) Sangue" lembra os cinco mortos no 25 de Abril". SIC Notícias (en portugués). 2024-04-12. Consultado o 2024-04-14.
- ↑ ""Revolução (sem) Sangue": chega aos cinemas o filme sobre os mortos no 25 de abril". RTP Cinemax (en portugués). Consultado o 2024-04-14.
- ↑ Antunes, André Filipe. "Cravos, sangue e uma “saraivada de tiros”: o cinema e a televisão contam a história dos mortos do 25 de Abril". Observador (en portugués). Consultado o 2024-04-15.
- ↑ "'Revolução (Sem) Sangue': Filme conta história menos conhecida dos mortos do 25 de Abril". www.cmjornal.pt (en portugués). Consultado o 2024-04-15.
- ↑ Lusa, Agência. "Estreia hoje nos cinemas filme sobre os que morreram na Revolução de 74". DNOTICIAS.PT (en portugués). Consultado o 2024-04-17.
- ↑ "Caras | Famosos reúnem-se na antestreia do filme "Revolução (Sem) Sangue"". Caras (en portugués). 2024-04-17. Consultado o 2024-04-17.
- ↑ Renascença (2024-04-04). "Revolução (sem) Sangue". Rádio Renascença (en portugués). Consultado o 2024-04-14.
- ↑ @AntRubal (ed.). "Revolución sen sangue en galego na TVG". Consultado o 27 de abril de 2024.
- ↑ @TVGalicia (ed.). "Revolución sen sangue en galego en AGalega". Consultado o 27 de abril de 2024.
- ↑ "Visão | 25 Abril/50 anos: Filme vai contar história dos que morreram na revolução". Visão (en portugués). 2023-10-07. Consultado o 2024-04-15.
- ↑ Portugal, Rádio e Televisão de (2024-04-13). ""Revolução sem sangue". Filme relata morte de jovens no 25 de Abril". "Revolução sem sangue". Filme relata morte de jovens no 25 de Abril (en portugués). Consultado o 2024-04-14.
