Rita Azevedo Gomes
  | |
| Biografía | |
|---|---|
| Nacemento | 1952 (71/72 anos) Lisboa, Portugal |
| Actividade | |
| Ocupación | directora de cinema, guionista, montador |
  | |
Rita Azevedo Gomes, nada en Lisboa en 1952, é unha directora de cinema portuguesa.
Traxectoria
[editar | editar a fonte]Encomezou o seu grao de Belas Artes, mais non o rematou e abandonouno interesada polo mundo do cinema, eido cuxa formación foi autodidacta. Moi nova, presentouse perante Manoel de Oliveira, despois de ter visto a posta en escena de Amor de Perdição en 1979, baseada na novela de Camilo Castelo Branco. Acadou un posto de axudante de vestiario na seguinte rodaxe. A amizade progresiva co cineasta luso supuxo a rodaxe do filme A 15ª Pedra (2007), unha conversa entre Oliveira e o crítico João Bénard da Costa. Dende 1993, Rita é programadora e encargada de publicacións da Cinemateca Portuguesa. A Filmoteca Española dedicou un ciclo ao cinema de Rita Azevedo Gomes no mes de maio de 2017.
Filmografía
[editar | editar a fonte]- O Som da Terra a Tremer (1990)
- Frágil Como o Mundo (2002)
- Altar (2003)
- A Conquista de Faro (2005)
- A 15ª Pedra (2007)
- A Colecção Invisível (2009)
- A vinganza dunha muller (2012)
- Correspondencias (2016)
- A portuguesa (2019)
Véxase tamén
[editar | editar a fonte]Bibliografía
[editar | editar a fonte]- Fernández-Santos, E.: (20 de maio de 2017): "Azevedo Gomes, el encuentro entre cine y literatura", Babelia p. 5.
