Roberto Vilar
 Roberto Vilar nos Premios Mestre Mateo 2017. | |
| Biografía | |
|---|---|
| Nacemento | 1971  (52/53 anos)Xove, España |
| Datos persoais | |
| País de nacionalidade | España |
| Actividade | |
| Ocupación | actor , presentador de televisión , presentador , actor de televisión |
| Lingua | Lingua galega |
 | |
Roberto Vilar Fernández, nado en San Cristovo (Xove) en 1971, é un actor, humorista e presentador galego.
Traxectoria[editar | editar a fonte]
Nacido e criado en San Cristovo afeccionouse dende novo ao baloncesto e ao OAR Ferrol, chegando a probar como xogador da súa canteira.[1] Estudou en Viveiro e no seminario de Mondoñedo,[2] e comezou a traballar na TVG no programa Con perdón,[3] baseado en bromas feitas a cidadáns anónimos mediante unha cámara oculta e en Pequeno hotel (2001). Pero a fama chegoulle polo seu papel nos Tonechos, un dúo cómico que mantiña co actor Víctor Fábregas. Este dúo empezou actuando no Luar da TVG o 19 de setembro de 2002[2] e logo consolidouse cun programa de seu, O show dos Tonechos. A comezos de xaneiro de 2009 anunciaron a separación dos Tonechos.[4]
Desde o 10 de outubro de 2009 e ata o 24 de novembro de 2011 presentou na TVG o espazo Land Rober, que se emitía os xoves á noite con grande éxito de audiencia.
En 2011 asinou un contrato con Mediaset España para presentar na súa cadea de televisión Cuatro o concurso Salta a la vista, que compaxinou durante unhas semanas co seu traballo en Land Róber.[5] O 23 de novembro, a TVG anunciou a non renovación do contrato con CTV, produtora do programa, e o espazo de humor Land Rober cesou as súas emisións o 24 de novembro.[6]
En outubro de 2013 comezou a presentar o programa da TVG Entre familias anda o xogo, que se emitía os sábados á noite.[7] O 12 de abril de 2014 encargouse de conducir os XII Premios Mestre Mateo.
Na fin de ano do 2014 anunciou a volta de Land Rober, programa que comezou a presentar unhas semanas despois baixo o nome de Land Rober Tunai Show, acompañado de humoristas como Xosé Antonio Touriñán, Manuel Manquiña, Isabel Risco e Pili Pampín.
O 11 de abril de 2015 presentou os XIII Premios Mestre Mateo.
No 2018 presentou La noche de Rober en Antena 3, programa que foi cancelado tras seis emisións.[8]
Galardóns e nomeamentos[editar | editar a fonte]
Premios Mestre Mateo[editar | editar a fonte]
| Ano | Categoría | Título | Resultado |
|---|---|---|---|
| 2010 | Mellor comunicador | Land Rober | Gañador |
| 2010 | Mellor Programa | Land Rober | Gañador |
| 2011 | Mellor comunicador | Land Rober | Gañador |
| 2016 | Mellor comunicador | Land Rober Tunai Show | Gañador |
| 2016 | Mellor Programa | Land Rober Tunai Show | Gañador |
Premios Iris[editar | editar a fonte]
| Ano | Categoría | Título | Resultado |
|---|---|---|---|
| 2017 | Mellor Programa Autonómico de Entretenimiento | Land Rober Tunai Show | Gañador |
Premios Somriu[editar | editar a fonte]
| Ano | Categoría | Título | Resultado |
|---|---|---|---|
| 2018 | Mellor Programa Autonómico de Entretenimiento | Land Rober Tunai Show | Gañador |
Notas[editar | editar a fonte]
- ↑ "Roberto Vilar: «Nate Davis para min era Deus»". La Voz de Galicia. 1 de marzo de 2022. Consultado o 23 de xuño de 2024.
- ↑ 2,0 2,1 Roberto Vilar Fernández, en Facebook.
- ↑ Divorcio a la gallega, El País, 10/01/2009.
- ↑ Os Tonechos sepáranse Arquivado 11 de decembro de 2014 en Wayback Machine., A Nosa Terra, 08/01/2009.
- ↑ Roberto Vilar continuará en la nueva temporada de Land Rober mientras comienza nuevos proyectos en Cuatro, 20 minutos, 13/09/2011.
- ↑ "Land Rober" ofrece a súa derradeira gravación con Manu Tenorio, os presentadores de "A Solaina" e o grupo Odaiko Arquivado 25 de novembro de 2011 en Wayback Machine., crtvg.es, 23/11/2011.
- ↑ Espectáculo, música e humor daranse a man en "Entre familias anda o xogo", o novo concurso da TVG Arquivado 02 de febreiro de 2014 en Wayback Machine., crtvg.es, 27/10/2014.
- ↑ "Antena 3 cierra 'La noche de Rober' tras sus discretos resultados" (en castelán). 22 de xuño de 2018. Consultado o 23 de outubro de 2019.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Roberto Vilar  |
