Roger Field
 (2004)  | |
| Biografía | |
|---|---|
| Nacemento | 31 de xullo de 1945 (79 anos) Londres, Reino Unido |
| Educación | California College of the Arts (en)  Aiglon College (en) The King's School Canterbury (en) |
| Actividade | |
| Ocupación | guitarrista, inventor, deseñador |
| Instrumento | Guitarra |
Roger C. Field, nado en Londres o 31 de xullo de 1945, é un deseñador industrial, músico e inventor inglés, con máis de 100 patentes rexistradas.
Traxectoria
[editar | editar a fonte]Roger Field criouse en Londres, Canterbury e Suíza. Foi alumno interno en The King's School, Canterbury e Aiglon College en Villars-sur-Ollon. En 1965 trasladouse a California onde estudou deseño industrial e obtivo un título do California College of the Arts. En 1972 foi a Alemaña.
Field tamén é coñecido como guitarrista, e tocou, entre outros, co seu amigo Chet Atkins e con Merle Travis. O seu invento máis coñecido é a Foldaxe, unha guitarra eléctrica plegable que fixo construír para Chet Atkins. Esta guitarra pode verse no libro de Atkins Me and My Guitars. Field levouse consigo unha das súas guitarras plegables nun Concorde e tocou a canción "Mr. Sandman" o 30 de setembro de 1987 para acompañar a promoción “a través da barreira do son”. Field gañou coa súa guitarra un importante premio de deseño (Designer's Choice Award) os Estados Unidos. Recibiu por iso a felicitación escrita de Raymond Loewy.
Field fotografou a numerosos famosos coa Foldaxe, tales como Paco de Lucía, Keith Richards, Mick Jagger, Paul McCartney, Hank Marvin, David Copperfield e Eric Clapton. Grazas á acción de Roger Field fixeron as paces Hank Marvin e Bruce Welch tras unha disputa que durou máis de dez anos, emprendendo estes unha vira de despedida co seu antigo grupo The Shadows por Gran Bretaña (2004) e por Europa (2005). Marcel Dadi compuxo a súa canción "Roger Chesterfield" para Roger Field (CD Guitar Legend Volume 1).
Véxase tamén
[editar | editar a fonte]Ligazóns externas
[editar | editar a fonte]- Artigo en El Mundo, 17 de outubro de 2005 (en castelán).
- "Electric Guitar Design: When You Can't Hold 'Em, Fold 'Em" Arquivado 04 de maio de 2007 en Wayback Machine., artigo de Tom Watson en Modern Guitars, 9 de abril de 2007 (en inglés).
- "The Austrian and the Englishman", artigo en World News Network, 16 de xullo de 2004 (en inglés).
