Rolls-Royce Nene

Rolls-Royce Nene
Tipo	turborreactor
Fabricante	Rolls-Royce
Primeiro encendido	27 de outubro de 1944
Principais aplicaciós	Canadair CT-133 Silver Star Dassault Ouragan de Havilland Vampire Grumman F9F Panther Hawker Sea Hawk
N.º construídos	1 139
Desenvolvido do	Rolls-Royce Derwent
Desenvolvido en	Rolls-Royce Derwent V Rolls-Royce RB.44 Tay Pratt & Whitney J48 Klimov VK-1

O Rolls-Royce RB.41 Nene é un motor turborreactor de compresor centrífugo británico dos anos 40. O Nene foi un redeseño completo, en vez dun Rolls-Royce Derwent ampliado cun obxectivo de deseño de 22 kN, converténdose no motor máis potente da súa época. Foi o terceiro motor a reacción de Rolls-Royce en entrar en produción, e o primeiro acendido realizouse menos de 6 meses despois de iniciar o deseño. Foi chamado así polo río Nene mantendo a tradición da compañía de nomear aos seus motores de reacción como ríos.

O deseño non foi moi usado entre avións de deseño británico, sendo pasado por alto en favor do Avon de fluxo axial que o seguiu. No Reino Unido só foi usado de xeito xeneralizado no Hawker Sea Hawk e no Supermarine Attacker. Nos Estados Unidos fabricouse baixo licenza como o Pratt & Whitney J42, e equipou ao Grumman F9F Panther. O seu uso máis xeneralizado foi na forma do Klimov VK-1, unha versión modificada e agrandada realizada a través de enxeñería inversa, que producía 27 kN de pulo e equipou ao famoso Mikoyan-Gurevich MiG-15, un exitoso caza que foi fabricado en grandes cantidades.

Fabricouse unha versión lixeiramente ampliada máis potente do Nene como o Rolls-Royce Tay.