Roy Boney Jr.
  | |
| Nome orixinal | (chr) ᎧᏂᎦ ᎪᎳᎭ |
|---|---|
| Biografía | |
| Nacemento | 1 de decembro de 1978 (46 anos) Locust Grove, Estados Unidos de América |
| Grupo étnico | Pobo cherokee |
| Actividade | |
| Campo de traballo | Banda deseñada |
| Ocupación | pintor, animador |
| Sitio web | royboneyart.com |
   | |
Roy Boney Jr. (en cherokee: ᎧᏂᎦ ᎪᎳᎭ) nado en Locust Grove, Oklahoma, o 1 de decembro de 1978, é un artista, debuxante de banda deseñada, animador por ordenador e activista lingüístico cherokee. É cidadán da Nación Cherokee e membro do clan do Cervo.[1] Boney foi nomeado Tesouro Nacional Cherokee o 29 de agosto de 2024.[2]
Traxectoria
[editar | editar a fonte]Roy Boney Jr. medrou falando a lingua cherokee. Estudou na Universidade Estatal de Oklahoma, onde se graduou en deseño gráfico. Obtivo o seu mestrado en Artes na Universidade de Arkansas en Little Rock, onde foi membro do equipo do Centro de Investigación Sequoyah e recibiu membresía da Banda das Pradeiras da Nación Potawatomi.[3]
Activismo lingüístico
[editar | editar a fonte]Boney traballa como xestor do programa lingüístico cherokee da Nación Cherokee,[4] e anteriormente foi especialista lingüístico en medios para a Nación Cherokee.[5]
Boney colaborou con Joseph L. Erb en American Indian Resource Center, Inc., ensinando animación a nenos cherokee e muscokee. Os seus filmes de animación en linguas nativas recibiron numerosos premios.[6] Erb e Boney desenvolveron unha aplicación para iPhone de mensaxes de textos en lingua cherokee e están a desenvolver redes sociais e videoxogos en cherokee.[7]
Artista visual
[editar | editar a fonte]Con Matthew Shepherd, Boney creou a serie de novelas gráficas, Dead Eyes Open, publicada por Slave Labor Graphics. A partir dunha formación en banda deseñada, Boney aventurouse no debuxo e na pintura artística. O seu debut artístico en 2006 obtivo o Gran Premio na mostra de arte "Trail of Tears" do Centro do Patrimonio Cherokee[8] e inclusión na exposición itinerante, Frybread and Roses: The Art of Native American Labor. Varias das pinturas de Boney están na colección permanente do Centro Nacional de Investigación Sequoyah.
Escrita
[editar | editar a fonte]Boney colabora de xeito regular con Indian Country Today Media Network e First American Art Magazine.
Notas
[editar | editar a fonte]- ↑ Rossman, Megan. "Graphic Content." Oklahoma Today Magazine. xullo/agosto de 2012.
- ↑ "Cherokee Nation announces 2024 Cherokee National Treasures". Tahlequah Daily Press (en inglés). 2024-09-03. Consultado o 2024-09-04.
- ↑ "Boney Enters Trail of Tears Art Show." Sequoyah Research Center. 21 de abril de 2006 (consultado o 6 de novembro de 2009)
- ↑ Sitek, Zuzanna (11 de xullo de 2019). "Cherokee Tribes Say Native Language is in State of Emergency". KUAF.
- ↑ Staff. "Texas donor gives computers to CNEC." Cherokee Phoenix. (consultado o 5 de novembro de 2009)
- ↑ King, Patty Jo. "Studying abroad, Native style." Indian Country Today. 25 de outubro de 2009 (consultado o 5 de novembro de 2009)
- ↑ Proposal for the creation of RezWorld 3D video game to teach Cherokee. Arquivado 2011-07-14 en Wayback Machine. (consultado o 5 de novembro de 2009)
- ↑ "Trail of Tears Art Show and Sale." Southwestern Art. 1 de xullo de 2006 (consultado o 5 de novembro de 2009, a través de Highbeam Research)
