Ruby Payne-Scott
  | |
| Biografía | |
|---|---|
| Nacemento | (en) Ruby Violet Payne-Scott 28 de maio de 1912 Grafton, Australia (pt)  |
| Morte | 25 de maio de 1981 (68 anos) Mortdale (Australia) |
| Educación | Universidade de Sydney Sydney Girls High School (en) |
| Actividade | |
| Campo de traballo | Radiofísica (pt) e radioastronomia (pt) |
| Ocupación | física, astrónoma, profesora universitaria |
| Empregador | Commonwealth Scientific and Industrial Research Organisation (pt) (–1951) Danebank – An Anglican School For Girls (en) |
| Familia | |
| Fillos | Peter Gavin Hall, Fiona Hall |
| Descrito pola fonte | Forgotten Women: The Scientists (en) , (p.33-36) |
 | |
Ruby Payne-Scott, nada en Grafton (Nova Gales do Sur) o 28 de maio de 1912 e finada en Mortdale o 25 de maio de 1981, foi unha astrofísica australiana, fundadora das ramas da radioastronomía e da radiofísica.
Traxectoria
[editar | editar a fonte]Payne- Scott, filla de Cyril Payne- Scott e Amy Neale, mudouse a Sídney para vivir coa súa tía e asistiu á Escola Primaria Pública Penrith de 1921 to 1924.[1] Completou a súa escola secundaria na Sydney Girls High School. O seu diploma escolar contén notas destacadas en matemática e botánica.
Obtivo dúas bolsas para cursar estudos na Universidade de Sídney, onde estudou física, química, matemática e botánica.[2] Obtivo un grao en física en 1933, e un máster en física en 1936,e un Diploma de educación en 1938.[3]
Carreira
[editar | editar a fonte]En 1936 dirixiu investigacións xunto a William H. Love no Laboratorio de Investigación do Cancro na Universidade de Sídney. Probaron que o magnetismo terrestre ten escasa ou nula incidencia nos procesos vitais dos seres vivos a partir de someter a embrións de pito a campos magnéticos 5.000 veces máis potentes. Tempo atrás existía unha estendida crenza de que os campos magnéticos terrestres tiñan importantes efectos sobre os seres humanos, e moitas persoas só durmían coa súa cabeza apuntando ao norte e o corpo paralelo ao meridiano magnético.[4]
A súa carreira alcanzou a súa cúspide mentres traballaba para o Commonwealth Scientific and Industrial Research Organisation (naquela época chamado CSIR, agora coñecido como CSIRO), do goberno de Australia, en Dover Heights, Hornsby e especialmente en Potts Hill ( Sídney).
Algunhas das súas contribucións fundamentais á radioastronomía solar foron o descubrimento das explosións Tipo I e Tipo III, participando nas de Tipo II e IV. Tamén na determinación da posición e tamaño angular dunha explosión solar por medio dun interferómetro.[5] As súas observacións confirmaron que as intensas emisións de radio explosivas se xeraban nas manchas solares.
Por outra banda, deseñou e construíu un novo interferómetro lóbulo que podería deseñar un mapa da forza e polarización das emisións de radio solar unha vez por segundo, e rexistraría automaticamente nunha cámara dunha película ao se chegar a unha certa intensidade nas emisións.
Desenvolveu a tecnoloxía do radar e traballou na detección de avións na segunda guerra mundial, así coma noutros campos da física.
A lei dicía que as mulleres casadas non podían ter un posto permanente no servizo público, malia isto, ela seguiu traballando tras o seu casamento. Cando se soubo, perdeu o seu posto e, finalmente, renunciou cando quedou embarazada do seu fillo. Ruby foi unha firme defensora dos dereitos das mulleres.
A pesar de todo, non foi galardoada polas súas contribucións ás ciencias.
Notas
[editar | editar a fonte]- ↑ "Penrith Public School". Nepean Times (Penrith, NSW : 1882 - 1962). 1921-10-01. p. 3. Consultado o 2021-05-08.
- ↑ "Great Australians — Ruby Payne-Scott". blogs.uwa.edu.au. Arquivado dende o orixinal o 14 de outubro de 2018. Consultado o 2021-05-08.
- ↑ "Ruby Payne-Scott [1912–1981]". CSIROpedia. 13 xaneiro 2015. Arquivado 28 de febreiro de 2019.
- ↑ "A.L.P. PARLEY". Examiner (Launceston, Tas. : 1900 - 1954). 1936-07-10. p. 6. Consultado o 2021-05-08.
- ↑ Goss, W. M. (2009). Under the radar : the first woman in radio astronomy, Ruby Payne-Scott. Heidelberg: Springer. ISBN 978-3-642-03141-0. OCLC 567353180.
Véxase tamén
[editar | editar a fonte]Bibliografía
[editar | editar a fonte]- Tsjeng, Zing (2020). Mujeres olvidadas : las científicas. Madrid. ISBN 978-84-415-4214-3,
Ligazóns externas
[editar | editar a fonte]- Ruby Violet Payne-Scott, la radioastrónoma pionera no blog Mujeres con Ciencia
