Sabarís, Santa Cristina da Ramallosa, Baiona

Sabarís
	; A Porta do Sol, en Sabarís.
Parroquia	Santa Cristina da Ramallosa
Concello	Baiona
Coordenadas	42°06′37″N 8°49′13″O / 42.110277777778, -8.8202777777778
Poboación	387 hab. (2013)
	[ editar datos en Wikidata ]

Para outras páxinas con títulos homónimos véxase: Sabarís.

Sabarís é un lugar da parroquia de Santa Cristina da Ramallosa no concello pontevedrés de Baiona. No ano 2013 tiña 387 habitantes (185 homes e 202 mulleres).

Toponimia

Segundo Elixio Rivas Quintas^[1], o topónimo Sabarís é de orixe xermánica, a través de (Villa) Sabaricii. Sabaricii deriva de Sabaria (lugar) + ric ou rik (xefe) + o xenitivo -ii (pertencente a); o significado de Villa Sabaricii era "Vila do Xefe de Sabaria". A rexión de Sabaria estaba situada entre as actuais provincias de Zamora e Valladolid. No ano 573 o rei visigodo Leovixildo conquistou a zona aos suevos, que se refuxiaron noutras áreas do Reino de Galicia.^{[Cómpre referencia]}

Segundo José de Santiago y Gómez^[2] a orixe toponímica de Sabarís é anterior á ocupación sueva e relaciónase coas poboacións gregas que xunto ás autóctonas celtas fundaron colonias nas costas occidentais de Galicia^[3]. Segundo este autor, os focenses, que foron os que máis exploraron as costas da península, deron o nome de Sabarís a un lugar inmediato a Adobriga (Baiona), derivado de Sybaris, colonia grega da costa do mar Mediterráneo, pola fertilidade do Val Miñor e a semellanza á cidade de Lucania, que deu nome aos sibaritas, e trala destrución da cal os seus moradores fundaron varias colonias na Península Itálica e a Península Ibérica.

Xentilicio

Co sufixo -ense pode formarse o xentilicio culto de xénero neutro sabaricense, máis propio para designar o patrimonio cás persoas.^[4]
Cos sufixos -ino/-ina e -eño/-eña fórmanse os xentilicios sabarisino/-ina e sabariseño/-eña. O primeiro ten unha implantación máis antiga en Galicia có sufixo -eño, mais os habitantes da parroquia móstranse reticentes a utilizar a primeira variante, sendo máis común a segunda que ademais está en consonancia co xentilicio gondomareño/-a utilizado para os habitantes de Gondomar, localidade situada a 4 quilómetros e con topónimo tamén de orixe xermánica.^{[Cómpre referencia]}

Feira

En Sabarís celébrase unha importante feira todos os luns dende hai máis dun século.^{[Cómpre referencia]}

Galería de imaxes

Artigo principal: Galería de imaxes de Santa Cristina da Ramallosa, Baiona.

Petróglifos do Outeiro dos Lameiros.
Cemiterio.

Notas

↑ Elixio Rivas. "Historia". Archived from the original on 13/04/2001. Consultado o 27/10/2014.
↑ de Santiago Gómez, José (1896): Historia de Vigo y su comarca.
↑ Lucas Vidal Rouco. Desenvolvimiento urbano de Sabarís. Lic. Arquitectura, Escuela Superior Gallaecia. V.N. Cerveira, 2004
↑ Elías Domínguez Prieto. Xentilicios do Concello de Laza. Ourense, 2003

Lugares e parroquias

Lugares de Santa Cristina da Ramallosa

Lugares da parroquia de Santa Cristina da Ramallosa no concello pontevedrés de Baiona
As Areas \| Bouzos \| O Caeiro \| O Cruceiro Novo \| Devesa \| Ladeira \| Morade \| O Outeiro \| A Ponte \| A Ponte Nova \| A Ramallosa \| A Ribeira \| Sabarís \| A Serralleira \| Sopegal \| Viso de Calvos \| O Xuncal

Parroquias de Baiona

Galicia \| Provincia de Pontevedra \| Parroquias de Baiona
Baíña (Santa Mariña) \| Baredo (Santa María) \| Baiona (Santa María de Fóra) \| Baiona (Santa María) \| Belesar (San Lourenzo) \| Santa Cristina da Ramallosa (Santa Cristina)

[1] Elixio Rivas. "Historia". Archived from the original on 13/04/2001. Consultado o 27/10/2014.

[2] Santiago Gómez, José (1896): Historia de Vigo y su comarca.

[3] Lucas Vidal Rouco. Desenvolvimiento urbano de Sabarís. Lic. Arquitectura, Escuela Superior Gallaecia. V.N. Cerveira, 2004

[4] Elías Domínguez Prieto. Xentilicios do Concello de Laza. Ourense, 2003

[1]

[2]

[3]

[4]