Saltos del Sil

Saltos del Sil
Logotipo da empresa nun almacén da Rúa.
Tipo	empresa eléctrica
Data de fundación	1945
País	España
[ editar datos en Wikidata ]

Acción da empresa, 1956.

Encoro do Vao, no río Bibei.

Saltos del Sil foi unha empresa hidroeléctrica española creada en 1945. En 1963 foi adquirida por Iberduero, actual Iberdrola, con quen se fusionou en 1983.

Historia

Foi constituída en 1945 pola empresa Minero Siderúrgica de Ponferrada, que lle traspasou as concesións hidráulicas das que dispuña desde 1944 na conca do río Bibei e a do río Sil entre A Ponte de Domingos Flórez e a súa desembocadura no río Miño. Entre os seus socios estaban tamén Banco Pastor, Banco Santander e Eléctricas Leonesas, vinculada co Banco Central. A sede central da empresa estaba en Madrid, pero as operativas constituíronse na Rúa, A Pobra de Trives e Viana do Bolo.

Xunto coa empresa Hidroeléctrica de Moncabril construíu todo o sistema hidroeléctrico da conca dos ríos Navea, Bibei, Camba, Xares e Tera. Contou coa súa propia empresa construtora, Construcciones del Sil, e con liñas eléctricas entre Galicia, Ponferrada e Madrid.

A Minero Siderúrgica de Ponferrada mantén actividade no sector eléctrico mediante a empresa Distribuidora Eléctrica del Sil.

Véxase tamén

Bibliografía

• Chávarri Pérez, S. (2010). A construción dos Saltos do Sil (1945-1965). Deputación de Ourense e Iberdrola. ISBN 978-84-92554-16-4.