Sang Penari

Sang Penari
Ficha técnica
Título orixinal	Sang Penari
Director	Ifa Isfansyah
Produtor	Shanty Harmayn
Guión	Salman Aristo Ifa Isfansyah Shanty Harmayn
Baseado en	Ronggeng Dukuh Paruk de Ahmad Tohari
Intérpretes	Nyoman Oka Antara Prisia Nasution
Música	Wong Aksan Titi Sjuman
Fotografía	Yadi Sugandi
Estudio	Salto Films
Estrea	10 de novembro de 2011
Duración	111 minutos
Orixe	Indonesia
Xénero	Drama
Na rede

Sang Penari é un filme indonesio de 2011 dirixido por Ifa Isfansyah. Baséase na triloxía de novelas Ronggeng Dukuh Paruk escrita por Ahmad Tohari. Está protagonizado por Nyoman Oka Antara e Prisia Nasution e conta a historia dun mozo e a súa amizade coa nova ronggeng da vila.

A segunda adaptación da triloxía Ronggeng Dukuh Paruk, Sang Penari requiriu dous anos de investigación para presentar o contexto histórico máis detallado posible, incluíndo o movemento do 30 de setembro e as accións anticomunistas da época; estes detalles, censurados polo goberno da Nova Orde, son máis explícitos nas novelas. Malia que o filme está ambientado e foi rodado en Purwokerto, Xava Central, ningún dos protagonistas é de orixe xavanesa. Nasution, no seu primeiro papel protagonista, é de orixe batak, mentrs que Antara é balinés.

Dende a súa estrea o 10 de novembro de 2011, Sang Penari foi aclamado pola crítica. Tohari considerouno unha "sublime adaptación da súa obra", mentres que Labodalih Sembiring de Jakarta Globe describiu os elementos socioculturais como propios dunha traxedia shakespeareana. No Festival Indonesio de Cinema de 2011, Sang Penari gañou catro premios, incluíndo o de mellor filme, sobre nove nomeamentos.

Personaxes

• Prisia Nasution como Srintil
• Nyoman Oka Antara como Rasus
• Slamet Rahardjo como Kartareja
• Lukman Sardi como Bakar
• Tio Pakusadewo como Sarxento Binsar

Véxase tamén

Outros artigos

• Filmes de Indonesia propostos ó Óscar ó mellor filme internacional
• Filmes propostos ó mellor filme internacional na 85ª edición dos Óscar

Bibliografía

• Kurniasari, Triwik (13 de novembro de 2011). "Ronggeng 2.0". The Jakarta Post. Arquivado dende o orixinal o 12 de xaneiro de 2012. Consultado o 12 de xaneiro de 2012. 

Ligazóns externas

• Sang Penari na IMDb (en inglés).