Secundino Abelenda Baltar
| Biografía | |
|---|---|
| Nacemento | 1910  Vilagarcía de Arousa, España |
| Morte | valor descoñecido |
| Outros nomes | Conín |
| Actividade | |
| Ocupación | pescador, político |
 | |
Secundino Abelenda Baltar, coñecido como Conín, nado en Vilagarcía de Arousa cara a 1910, foi un marñeiro e político galego.
Traxectoria
[editar | editar a fonte]Mariñeiro do Carril. Co golpe de Estado do 18 de xullo de 1936 fuxiu e estivo agochado. Foi detido a finais de 1938 como desertor de Mariña xunto con Juan Domingo Velo Buceta, Manuel Celso Cayón Loureiro, Manuel González Oliveira e Ramón Rodríguez Eiras.[1] Xulgado en Ferrol por adhesión á rebelión o 7 de setembro de 1939, foi condenado a 20 anos de prisión. A pena foi conmutada a 8 anos de prisión en 1940. Abríronlle expediente de responsabilidades políticas en outubro de 1939.[2] Cumpriu condena na Prisión Central de Burgos de onde saíu en liberdade condicional en xuño de 1941.[3] Colaborou nas actividades clandestinas do Partido Comunista de España, cando Ramón Amilibia Machimbarrena intentou reconstruír o partido en Vigo logo da caída de Eladio Rodríguez, Francisco Barreiro e Jacinto Nogueira en outubro de 1941. Volveu ser detido en 1943 e ingresou na Prisión de Madrid o 13 de xullo. Cumpriu condena no Penal de El Puerto de Santa María, Prisión de Santiago de Compostela, El Dueso, Central de Burgos e novamente Colonia Penitenciarla del Dueso de onde saíu en liberdade condicional en febreiro de 1952.[4]
Vida persoal
[editar | editar a fonte]Foi pai de Moncho, Javier e Marina Abelenda.
Notas
[editar | editar a fonte]- ↑ El Pueblo Gallego, 2-12-1938, p. 2.
- ↑ El Pueblo Gallego, 28-10-1939, p. 5.
- ↑ BOE, 17-6-1941, p. 5341-5342.
- ↑ BOE, 29-3-1952, p. 1410.
Véxase tamén
[editar | editar a fonte]Bibliografía
[editar | editar a fonte]- Fernández Rodríguez, Carlos (2020). Los otros camaradas: El PCE en los orígenes del franquismo (1939-1945) (en castelán). Zaragoza: Prensas Universitarias de Zaragoza. p. 382. ISBN 9788417873707.
