Senén Bernárdez Álvarez

Senén Bernárdez Álvarez
Nome orixinal	(es) Senén Bernárdez
Biografía
Nacemento	24 de maio de 1930 ; Gomesende, España
Morte	22 de xaneiro de 2013 (82 anos); Ourense, España
Deputado no Congreso dos Deputados
	8 de xullo de 1986 – 21 de novembro de 1989 ; Lexislatura: III lexislatura de España ; Circunscrición electoral: Ourense ; Electo en: Eleccións Xerais 1986 en España
Deputado do Parlamento de Galicia
Senador de España
Datos persoais
Educación	Universidade de Salamanca ; Universidade de Santiago de Compostela
Actividade
Lugar de traballo	Madrid
Ocupación	científico, político

Senén Bernárdez Álvarez, nado en Gomesende o 24 de maio de 1930 e finado en Ourense o 22 de xaneiro de 2013^[1], foi un farmacéutico e político galego.

Traxectoria

Licenciouse en Filosofía pola Universidade Pontificia de Comillas^{[Cómpre referencia]} e en Farmacia pola Universidade de Santiago de Compostela. En 1955 estableceuse cunha oficina de farmacia en Padrenda, e tres anos máis tarde (1958) trasladouse a Ourense, onde exerceu como farmacéutico ata o seu retiro en 2005. Foi presidente do Colexio Oficial de Farmacéuticos de Ourense entre 1968 e 1981. Durante estes anos desempeñou outros postos destacados no campo farmacéutico.

Entrou en política coa UCD, pola que foi elixido deputado no Parlamento de Galicia en 1981. Logo das eleccións xerais de 1982, foi un dos tres senadores galegos designados pola comunidade autónoma, e o único que representou a UCD. Porén, coa disolución da UCD integrouse en Coalición Galega, de quen actuou como senador no grupo Mixto ata 1986. Volveu ser elixido parlamentario autonómico nas autonómicas de 1985, aínda que renunciou o 7 de xullo de 1986.

Nesas eleccións xerais de 1986 foi elixido primeiro deputado galeguista no Congreso dos Deputados dende a República, ao resultar escollido pola provincia de Ourense.

Obra

As súas intervencións foron publicadas nos libros Coalición Galega en el Senado (segunda legislatura) e Coalición Galega en el Congreso de los Diputados (Tercera legislatura).

Notas

↑ Morre Senén Bernárdez, primeira voz do nacionalismo galego no Congreso desde a Segunda República Arquivado 26 de xaneiro de 2013 en Wayback Machine. CRTVG.

Véxase tamén

Bibliografía

Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 105–107. ISBN 84-7507-044-2.
Dicionario biográfico de Galicia 1. Ir Indo. 2010-2011. p. 109.

Outros artigos

Lista de senadores galegos desde a Transición

[1] Morre Senén Bernárdez, primeira voz do nacionalismo galego no Congreso desde a Segunda República Arquivado 26 de xaneiro de 2013 en Wayback Machine. CRTVG.

[1]