Shin Chan: Na procura das bólas perdidas

Shin Chan: Na procura das bólas perdidas
Ficha técnica
Título orixinal	クレヨンしんちゃん 暗黒タマタマ大追跡
Director	Keiichi Hara
Produtor	Hitoshi Mogi Kenji Ōta Takashi Horiuchi
Guión	Keiichi Hara
Baseado en	"Shin-chan" de Yoshito Usui
Música	Toshiyuki Arakawa Shinji Miyazaki
Fotografía	Toshiyuki Umeda
Montaxe	Hajime Okayasu
Estudio	Shin Ei Animation
Distribuidora	Toho (Xapón) Luk Internacional (Galicia)
Estrea	19 de abril de 1997 27 de xuño de 2003
Duración	95 minutos
Orixe	Xapón
Xénero	Animación
Filme seguinte	Shin Chan: A invasión
Na rede

Shin Chan: Na procura das bólas perdidas (クレヨンしんちゃん 暗黒タマタマ大追跡, Crayon Shin-chan Ankoku Tamatama Daitsuiseki) é un filme de animación baseado no anime Shin-chan. No Xapón, a estrea deste filme produciuse nos cinemas o 19 de abril do 1997.

En Galicia, a película estreouse nas salas galegas o 27 de xuño do 2003 e saíu á venda en DVD o 5 de novembro do mesmo ano.

Sinopse

As bólas perdidas son uns obxectos cun gran poder que, reunidos, poden desatar o caos no mundo. Dúas bandas rivais - os Perendengues e os Mariolas - buscan facerse co control das bólas. Os primeiros queren invocar ao Maligno e os segundos pretenden evitar que o mal se estenda por tódolos sitios.

Unha casualidade fai que unha das bólas chegue ás mans de Shin Chan, o que provoca que a súa familia se teña que aliar cunha aprendiz de policía sen sentido da puntaría e coa banda dos Mariolas, formada por tres estrambóticos travestís. A banda dos Perendengues está formada por unhas ximnastas sen escrúoulos armadas con cintas letais de ximnasia rítmica que están comandadas por unha anciá e por un tipo moi misterioso. A fuxida levaráos a un peculiar bar de copas, a uns baños públicos e ao parque de atraccións abandonado dos Mariolas.

Alí, un grupo de samurais decrépitos defenderá o honor dos Mariolas e tentará evitar que o tipo misterioso reúna as dúas bólas, invoque ao maligno e controle o destino do planeta. Pero cando parece que o mundo está condenado, xorde alguén impredicible quen de estragar calquera proxecto... O mesmiño Shin Chan!

Dobraxe

• Ano de gravación: 2003

• Estudio: Sodinor, S.A. (Vigo)
• Directores e axustadores: Alfonso Valiño e Matías Brea
• Tradución: María Alonso Seisdedos
• Técnico de mesturas: Kevi Aragunde
• Elenco da dobraxe:

Personaxe	Actor orixinal (Xapón)	Actor de dobraxe (Galicia)
Shin Chan Nohara	Akiko Yajima	Ana Lemos
Misae Nohara	Miki Narahashi	Charo Pena
Hiroshi Nohara	Keiji Fujiwara	Matías Brea
Rosa	Daisuke Gori	Antón Olmos
Lima	Shinya Ootaki	Antón Ja
Lavanda	Kaneto Shiozawa	César Cambeiro
Raíña dos Perendengues	Keiko Yamamoto	Ana Maciñeiras
Satake	Fumihiko Tashiki	Carlos Reboreda
Hecson	Jun Azumi	Luís Iglesia
Maho	Saeko Shimazu	Beatriz García
Ione	Yuriko Yamamoto	Isabel Vallejo
Himawari	Satomi Korogi	Helena Amoedo
Nai de Rosa	Ako Mayama	Lucía Cid
Debuxante	Yoshito Usui	Manuel Pombal
Kazama	Mari Mashiba	Teresa Santamaría
Nene	Tamao Hayashi	Montse Davila
Boo-chan	Chie Sato	Alicia Taboada
Señorita Yoshinaga	Yumi Takada	Nora Abad
Señorita Matsuzaka	Michie Tomizawa	Beatriz García
Director "Mafioso"	Rokuro Naya	Alfonso Valiño

• Voces adicionais:

▪ Andrés Bellas

▪ Juan Diéguez

▪ Antonio Mourelos

▪ Paco Barreiro

▪ Antón Ja

Música

A canción empregada na versión orixinal como tema de peche é エンディング (A canción de Himawari) interpretada por Kazuo Kaitsu. Non obstante, na versión galega, optouse por substituír este tema polo segundo peche da serie, é dicir, polo tema interpretado por Teresa Santamaría, chamado Ven comigo a esta festa.

Véxase tamén

Outros artigos

• Shin-chan