Sistema de combate Aegis

Tripulación controlando pantallas de rádar en sistemas de información para o guiado de mísiles no USS VINCENNES (CG-49).

O Sistema de combate Aegis (en inglés: Aegis Combat System ou ACS) é un equipamento informático naval de armamento integrado da Armada dos Estados Unidos creado pola División de Mísiles e Radares de Superficie da RCA Corporation, e na actualidade está producido por Lockheed Martin. O sistema informático emprega potentes sensores, computadoras e armamento para guiar mísiles e proxectís contra obxectivos navais, terrestres e aéreos.

O sistema é empregado en máis de douscentos buques dos Estados Unidos e por outras armadas como as de España, Noruega, Xapón, Corea e Australia.