Sistema inercial
Un sistema inercial é un sistema de referencia que presenta inercia, isto é: non presenta aceleracións, e daquela, non está a sufrir forzas.[1] Tales sistemas ou están parados (velocidade=0) ou en movemento rectilíneo uniforme. É importante subliñar, que desde esta perspectiva, non pode haber curvas no movemento, pois se as houber, habería unha aceleración e iso contraría a condición imposta para termos un sistema inercial.[2] Este marco clásico ven caracterizado polas transformacións de Galileo.[3]
Características
[editar | editar a fonte]Na teoría da relatividade especial, mantense a definición de sistema inercial, mais coa diferenza de que o tempo non transcorre xa do mesmo xeito nos dous sistemas, non hai xa invarianza na progresión do tempo. Esta é substituída pola invarianza na velocidade da luz, dando lugar á relatividade da simultaneidade. Agora as mudanzas de coordenadas cumpren as transfomacións de Lorentz, nas que todo isto queda reflictido.[4] E finalmente, na teoría xeral da relatividade (a día de hoxe a máis rigorosa e aceptada), a diferenza entre sistema inercial e non inercial, e o conseguinte principio de inercia, definidos sobre a base dunha métrica euclídea perden sentido por completo; así vense desprazados por un principio de movemento xeodésico, definido agora con base a unha métrica de Minkowski, polo que os obxectos (e sistemas de referencia) se moven do xeito ditado pola curvatura do espazo-tempo.[5] Deste xeito xa non existen sistemas inerciais, nin ten senso a súa definición.
Notas
[editar | editar a fonte]- ↑ David Halliday, Jearl Walker. Fundamentals Of Physics Extended, 10th Edition (en inglés).
- ↑ "Física para ciencias e ingeniería - Edicion 7 - Serway, Jewett - Vol 1.pdf". Google Docs. Consultado o 2025-02-01.
- ↑ Galilei, Galileo - Dialogue Concerning the two Chief World Systems.
- ↑ A. Einstein. On the Electrodynamics of Moving Bodies. John Walker.
- ↑ Misner, Charles W.; Thorne, Kip S.; Wheeler, John Archibald (2017-10-03). Gravitation (en inglés). Princeton University Press. ISBN 978-1-4008-8909-9.
