Sitta magna

Sitta magna é unha especie de aves da familia Sittidae propia de zonas de Asia oriental. É a especie de maior tamaño do seu xénero, de 19,5 cm de lonxitude, e é predominantemente de cor gris agás uns lixeiros tons marróns avermellados nas partes ventrais da femia, cuxa lista ocular é máis clara que a do macho. O peteiro é moito máis voluminoso que o doutros Sitta.

Viven nas montañas do suroeste da China e norte de Tailandia, e crese que xa están extinguidos en Myanmar. O seu hábitat natural son os bosques de piñeiros de montaña tropicais ou subtropicais. No norte de Tailandia utilizan o Pinus kesiya para alimentarse e nidificar. Ambos os pais coidan as crías. Teñen xeralmente tres pitiños, que abandonan o niño pasados de 20 a 23 días da eclosión.

Montaña Doi Ang Khang en Tailandia.

Conservación

Esta especie está gravemente ameazada pola deforestación dos seus hábitats montañosos do suroeste da China. Como adoita necesitar grandes árbores para utilizar os seus ocos para aniñar, é moi sensible á eliminación das grandes árbores, e a BirdLife International na súa publicación de 2013 clasificou esta especie como en perigo porque se cre que a actual poboación, antes estimada nuns 10 000 individuos, é de só 2 500 e segue descendendo.

Notas

Ligazóns externas

• BirdLife Species Factsheet. Arquivado 16 de setembro de 2019 en Wayback Machine.

---

Este artigo sobre aves é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---