Sneschana Russewa-Hoyer
  | |
| Biografía | |
|---|---|
| Nacemento | 10 de xaneiro de 1953 (71 anos) Krushari, Bulgaria (en)  |
| Actividade | |
| Ocupación | gravadora, medallista |
| Familia | |
| Cónxuxe | Heinz Hoyer (1976–) |
| Fillos | Alina Hoyer |
Sneschana Russewa-Hoyer, nada en Krushari, provincia de Dobrich, o 10 de xaneiro de 1953, é unha deseñadora e gravadora de medallas, moedas e selos búlgara establecida en Alemaña.
Traxectoria
[editar | editar a fonte]Sneschana Russewa-Hoyer estudou o seu ensino secundario nun instituto de ensinanzas artísticas de Sofía, e posteriormente cusou estudos superiores de Deseño Gráfico na Academia de Arte Weißensee de Berlín, entre os anos 1972 e 1977.[1]
A partir de 1985 traballou de xeito independente en proxectos como o deseño de selos postais para a República Democrática Alemá.[1]
En xuño de 1976 casou co escultor e gravador Heinz Hoyer, que fora o seu compañeiro durante os seus estudos. Xunto con el, Sneschana foi tamén a creadora de varias moedas conmemorativas do sistema do marco da República Democrática Alemá durante a década de 1980.[1][2]
O matrimonio Hoyer foi elixido tamén polo Bundesbank para deseñar o anverso nacional das moedas alemás do euro con valores de un e de dous euros, que comezaron a emitirse en 2002.[1][2]
Igualmente, Sneschana Russewa-Hoyer foi unha das gravadoras encargada do deseño da moeda de dous euros conmemorativa do Tratado do Elisio, emitida en 2013 conxuntamente por Francia e Alemaña.[3]
Como medallista, un exemplo da súa produción é a medalla elaborada en 2009 con motivo da xubilación de Wolfgang Steguweit, director do Gabinete Numismático de Berlín.[4]
Escolma de obras
[editar | editar a fonte].jpg)
Notas
[editar | editar a fonte]- ↑ 1,0 1,1 1,2 1,3 Steguweit, W. (2014).
- ↑ 2,0 2,1 Serie de moedas deseñadas por Sneschana Rusewa-Hoyer. Numista.com
- ↑ "2 Euro Élysée Treaty". Numista.com
- ↑ Ficha da medalla. Deutsche Gesellschaft für Medaillenkunst.
Véxase tamén
[editar | editar a fonte] |
Wikimedia Commons ten máis contidos multimedia na categoría: Sneschana Russewa-Hoyer  |
Bibliografía
[editar | editar a fonte]- Steguweit, W. (2014). "Zeitgenössische Künstler in ihrem numismatischen und philatelistischen Umfeld. 3.Sneschana Russewa-Hoyer und Heinz Hoyer". En Numismatisches Nachrichtenblatt. 63. Marzo.