Sociedad Deportiva de Remo Kaiku
| Sociedad Deportiva de Remo Kaiku | ||||
|---|---|---|---|---|
 | ||||
| Tipo | club de remo  | |||
| Deporte | remo | |||
| Data | ||||
| Fundación | 1923 | |||
| Localización | ||||
| ||||
| Estado | España | |||
| Comunidade autónoma | País Vasco | |||
| Provincia | Biscaia | |||
| Comarcas | Gran Bilbao | |||
| Concello | Sestao | |||
| Código postal | 48910 | |||
| Enderezo | Alameda de Kaiku, S/N | |||
| Contacto | ||||
| Páxina WEB | kaikuake.com | |||
| Redes |   | |||
| [ Wikidata ] | ||||
A Sociedad Deportiva Kaiku ou Kaiku Arraunaren Kirol Elkartea é un club de remo da localidade de Sestao, Biscaia (Euskadi). As súas cores son o verde e o negro (as cores da localidade de Sestao) e a súa traiñeira actual chámase Bizkaitarra. É un dos clubs máis laureados do Cantábrico.
Historia
[editar | editar a fonte]No barrio sestaoarra de Simondrogas, a carón do río Galindo, e por iniciativa dun grupo de amigos encabezados por Pedro de Barrondo y Garay, creouse en 1923 a Sociedad Deportiva Kaiku adoptando como distintivo as cores verde e negra que no decorrer de máis de medio século serían exhibidos a bordo, primeiro da Juanita (a primeira) e sucesivamente da Kaikutarra, Bilbotarra, Bizkaiko Ama, Cincuentenaria e Bizkaitarra (a actual). A primeira actividade deportiva desenvolvida pola Sociedade foi o fútbol para, a partir de 1925 e representando ao Sestao Sport, propietario da traiñeira “Juanita”, competir en regatas tendo de patrón a Paulino Asúa[1].
Dende 1929, Kaiku actúa con este nome nas confrontacións remeiras, pasando da “Juanita”, que ese mesmo ano foi doada polo Sestao Sport á “Bilbotarra”, adquirida aos construtores Ondarooa e Meniguren, de Axpe –Erandio polo prezo de mil cincocentas pesetas[1].
O Club de Remo Kaiku é famoso polas numerosas vitorias que conseguiu ao longo da súa historia. Sendo durante moitas tempadas o campión indiscutíbel neste deporte, tal e como amosan os títulos conseguidos até o momento. Viviu a súa época dourada nos anos 70 e principios dos 80.
Na tempada 2008 conseguiu o ansiado ascenso á Liga San Miguel (a máxima categoría do remo no Norte da Península) logo de competir uns anos nas categorías inferiores do remo, e no 2009 participou nela por primeira vez na súa historia con José Luis Korta como adestrador. Ademais no mes de agosto dese mesmo ano conquistou o seu cuarto Campionato de España de Traiñeiras (logo de 27 anos[2]), ademais do Campionato de Biscaia e de Euskadi de traiñeiras.[3].
Palmarés
[editar | editar a fonte]- 5 Bandeiras da Concha: 1978, 1980, 1981, 1982 e 2009.
- 5 Campionatos de España de traiñeiras: 1978, 1981, 1982, 2009 e 2010.
- 6 Bandeiras de Santander: 1976, 1978, 1980, 1982, 1985 e 1986.
- 5 Campionatos de Euskadi de traiñeiras: 1979, 1980, 1981, 2009 e 2010.
- 10 Campionatos de Biscaia de traiñeiras: 1971, 1972, 1973, 1978, 1980, 1982, 1986, 1993, 2009 e 2010.
- 5 Copas do Rei
- 1 Copa de S. E. El Generalísimo
- 2 Copas Presidente da República
- 2 Copas de Xefe de Estado en propiedade
- 4 Grandes Premios do Nervión: 1978, 1980, 1981 e 1982.
- 1 Bandeira da Semana Grande de San Sebastián: 1985.
- 1 Bandeira Teresa Herrera: 1986.
- 1 Bandeira Príncipe de Asturias: 1986.
Notas
[editar | editar a fonte]- ↑ 1,0 1,1 "Historia do Kaiku na súa web oficial.". Arquivado dende o orixinal o 25 de febreiro de 2011. Consultado o 30 de decembro de 2010.
- ↑ "Kaiku, campeón de España 27 anos después". Arquivado dende o orixinal o 17 de setembro de 2009. Consultado o 30 de decembro de 2010.
- ↑ "Kaiku reina otra vez en Vizcaya". Arquivado dende o orixinal o 19 de agosto de 2009. Consultado o 30 de decembro de 2010.
Véxase tamén
[editar | editar a fonte]Ligazóns externas
[editar | editar a fonte]- Páxina oficial
- Ficha do club na páxina da Liga San Miguel Arquivado 01 de novembro de 2012 en Wayback Machine.