Sociedade Deportiva Burela
| Burela | |||
|---|---|---|---|
| Nome | Sociedade Deportiva Burela | ||
| Fundación | 1966 | ||
| Estadio | Campo Municipal da Marosa Burela,  Galicia | ||
| Inauguración | 1966 | ||
| Capacidade | 2.500 | ||
| Presidente | Jesús Manuel Ares | ||
| Adestrador | José Bermúdez 'Pepete' | ||
| Liga | 1ª Autonómica − Grupo 3 | ||
| 2022−2023 | 8º | ||
| Na rede | |||
| https://twitter.com/BurelaSd | |||
| |||
A Sociedade Deportiva Burela é un club de fútbol galego, da vila de Burela, na provincia de Lugo. Foi fundado no 1966[1]. Actualmente compite no Grupo III da Primeira Autonómica de Galicia.
O seu filial xuvenil é a SD Porto Burela.
Historia
[editar | editar a fonte]O equipo nace na localidade luguesa de Burela no ano 1966 froito das cinzas do antigo equipo da vila que deixara de existir na tempada 1951/1952, e comeza competindo na Primeira División do Campionato Comarcal das Rías Altas (actúal Primeira Autonómica de Galicia).
A comezos dos setenta gañou por primeira vez o campionato (tempada 1971/1972), mais o equipo non consegue vencer na rolda de ascenso á Rexional Preferente. Na tempada 1981/1982 volveu intentar o salto de categoría pero o equipo volveu quedar ás portas. Porén, o ano seguinte (tempada 1982/1983) conquistou o campionato ligueiro por segunda vez e nesta ocasión ascendeu directamente á Rexional Preferente.
A finais dos anos 80 iníciase a época dourada do equipo, co ascenso á 3ª División na tempada 1988/1989, adestrado por José Ramón Arteche, e a disputa na tempada 1990/1991 dun playoff de ascenso, no que o conxunto verde quedou ás portas dun histórico ascenso á Segunda B fronte ao Real Valladolid B, liderado por José Emilio Amavisca.
Tras descender na tempada 1995/1996 despois de sete tempadas na 3ª División o equipo regresa á Rexional Preferente onde disputará oito tempadas máis, ata descender á 1ª Autonómica na tempada 2003/2004, o cal está a piques de provocar a desaparición do club, algo que finalmente non ocorre.
Na tempada 2005/2006 o equipo conquista un novo campionato (o terceiro da súa historia) e ascende de novo á Rexional Preferente, onde tan só disputará dúas tempadas antes de volver descender novamente á 1ª Autonómica, categoría onde o club continúa competindo ata a actualidade cun pequeno paso pola 2ª Autonómica na tempada 2017/2018.
Estadio
[editar | editar a fonte]A SD Burela xoga desde a súa fundación no Campo Municipal da Marosa, inaugurado en 1966. Ten unha capacidade de 2500 espectadores e unhas dimensións de 108×69 metros.
Datos do club
[editar | editar a fonte]- Tempadas en 3ª: 7
- Tempadas en Preferente: 16
- Tempadas en 1ª Autonómica: 26
- Tempadas en 2ª Autonómica: 4
- Mellor posto da historia: 3º en Terceira División (1990-91)
- Peor posto da historia: 8º en Segunda Autonómica (1978-79) e (1979-80)
- Promocións de ascenso a Segunda B: 1 (1990-91)
- Participacións na Copa do Rei: 2 (1991-92) e (1992-93)
Últimas tempadas
[editar | editar a fonte]- ↑ "Historia da SD Burela". Arquivado dende o orixinal o 02 de outubro de 2015. Consultado o 09 de setembro de 2015.