Sociedade para o Desenvolvemento Comarcal de Galicia
A Sociedade para o Desenvolvemento Comarcal de Galicia foi unha empresa galega de capital público, integrada na Consellería do Medio Rural e que tiña por obxectivo apoiar o desenvolvemento rural. Entre eses labores de apoio estaba o de realizar actividades de investigación e estudos sobre desenvolvemento e planificación do medio rural.
Historia
[editar | editar a fonte]Foi creada en 1996 e disolta en 2008.
Estrutura
[editar | editar a fonte]Dependía da Dirección Xeral de Desenvolvemento Rural. O conselleiro delegado da sociedade era o director xeral dese departamento.
Internamente, articulábase nunha xerencia e tres subdireccións.
- A xerencia ocupábase da xestión diaria da sociedade conforme o sinalado polo consello de administración e polo conselleiro delegado.
- A subdirección do Sistema de Información Territorial de Galicia (SITGA) é unha unidade de carácter técnico que produce e proporciona información de cartografía. Nesa produción de mapas integra datos socioeconómicos, físicos e de infraestruturas.
- A subdirección de Dinamización Comarcal xestiona as actividades da rede dos quince centros comarcais que funcionan en Galicia.
- A subdirección Técnica e de Estudos é a unidade que xestiona dende o punto de vista técnico o mantemento da rede de centros comarcais, ademais de elaborar os plans de desenvolvemento comarcal e de conseguir financiamento europeo para os proxectos.
Véxase tamén
[editar | editar a fonte]Ligazóns externas
[editar | editar a fonte]- Medio Rural disolverá la Sociedade para o Desenvolvemento Comarcal Arquivado 10 de xuño de 2015 en Wayback Machine.