Sofía Moscoso de Altamira
  | |
| Biografía | |
|---|---|
| Nacemento | (es) Sofia Moscoso de Altamira Taboada 18 de xaneiro de 1818 Ferrol, España |
| Morte | 4 de abril de 1869 (51 anos) Madrid, España |
| Outro | |
| Título | Condesa |
| Pai | José María Moscoso de Altamira |
Sofia Moscoso de Altamira Taboada, nada en Ferrol o 18 de xaneiro de 1818 e finada en Madrid o 4 de abril de 1869, foi unha aristócrata galega que ostentou o título de II condesa de Fontao.
Traxectoria
[editar | editar a fonte]Filla única de José María Moscoso de Altamira Quiroga, I conde de Fontao.
Malia a oposición paterna, contraeu matrimonio na Coruña en 1843 co coronel sevillano José Moreno Sopranís Daoiz, e fillo do Tenente de Reais Gardas Españolas e cabaleiro da Orde de Santiago José Moreno e de Manuela María Sopranis Saville, amais de curmán do heroe do levantamento do 2 de maio Luis Daoíz. O coronel Moreno era neto igualmente de José Moreno Guerrero do Consello de Castela e sobriño do Ministro Tomás Moreno Daoíz.
Pouco despois do seu casamento, José Moreno foi nomeado Xentilhome de cámara con exercicio da Raíña Isabel II de España. A II condesa de Fontao era, á súa vez, dama da Orde das Damas Nobres da Raíña María Luisa.