Telmo Martín
 (2008)  | |
| Nome orixinal | (es) Telmo Martín González |
|---|---|
| Biografía | |
| Nacemento | 16 de agosto de 1958 (66 anos) Xil, España |
 Alcalde de Sanxenxo | |
| 2017 – | |
.svg){kind=small} Deputado no Congreso dos Deputados | |
| 29 de novembro de 2011 – 27 de outubro de 2015 Lexislatura: X lexislatura de España Circunscrición electoral: Pontevedra Electo en: Eleccións Xerais 2011 en España | |
| Alcalde de Sanxenxo | |
| 1999 – decembro de 2006 (dimisión) – Catalina González Bea → | |
| Actividade | |
| Lugar de traballo | Madrid |
| Ocupación | político, construtor |
| Partido político | Partido Popular |
Telmo Martín González, nado en Xil (Meaño) o 16 de agosto de 1958, é un político e empresario da construción galego.
Traxectoria
[editar | editar a fonte]
Con 14 anos emigrou a Frankfurt, onde traballou 3 anos no sector da siderurxia. En 1978 fundou a empresa Hierros Santa Cruz, da que hoxe é o seu único propietario. En 1990 creou a empresa Construcuatro, adicada á promoción e construción. Na actualidade é conselleiro delegado da empresa, posuíndo o 33% das accións.
En outubro de 2007 a Consellería de Vivenda e Solo da Xunta de Galicia abriulle un expediente sancionador a dita empresa, ó haber "indicios abondo"[1] de cobrar sobreprezos en vivendas protexidas.
Política
[editar | editar a fonte]Afiliouse a Alianza Popular en 1977. En 1987 concorreu ás eleccións municipais en Meaño encabezando a formación Parroquias Unidas de Meaño (PUM), formada por un grupo de veciños, logrando 3 concelleiros e sendo o principal grupo da oposición ó goberno de Germán Rodriño, que precisamente era alcalde por AP. En 1995 formaría parte como suplente da candidatura de Independentes de Meaño, encabezada polo entón alcalde e amigo seu Jorge Domínguez Rosal.
En maio de 1997 foi elixido presidente do Partido Popular de Sanxenxo. Nas eleccións municipais de 1999 encabezou a candidatura e foi elixido alcalde dese concello con maioría absoluta. Catro anos despois, en maio de 2003, revalidou a maioría absoluta, converténdose no primeiro alcalde de Sanxenxo que foi reelixido dende 1987.
En xullo de 2006 foi nomeado candidato do PPdeG á alcaldía de Pontevedra, polo que en decembro dese ano renunciou ao seu cargo de alcalde de Sanxenxo. O 27 de maio de 2007 gañou as eleccións municipais de Pontevedra co 44,2% dos votos, conseguindo 12 concelleiros, pero sen acadar a maioría suficiente para conseguir gobernar. Formouse un goberno do BNG, que obtivo 7 concelleiros e o 28% dos votos, e o PSdeG-PSOE, que logrou 6 edís. O 22 de maio de 2011 repetiu como candidato á alcaldía de Pontevedra. A súa candidatura foi a máis votada co 39,52% dos votos e 11 concelleiros. Outro pacto entre BNG e PSdeG-PSOE deixouno fóra do goberno municipal. Tras esta nova tentativa na que non conseguiu a alcaldía, Telmo Martín anunciou que non sería candidato ás eleccións municipais de 2015, e que continuaría á fronte do PP de Pontevedra, ata que o partido lle permitise pór en marcha a súa sucesión.
Meses despois foi designado polo Partido Popular como número 4 das listas ao Congreso dos Deputados, e saíu elixido na provincia de Pontevedra. No seu momento foi o deputado co patrimonio máis extenso das cortes, con 21,5 millóns de euros.[2] Meses máis tarde, en marzo de 2012, deixou o seu posto no concello de Pontevedra, onde foi substituído por Jacobo Moreira[3].
Regresou á política municipal de Sanxenxo en 2015 como candidato do PPdeG, logrando a vitoria con 8 concelleiros, mais non puido gobernar debido ao acordo dos demais grupos políticos que fixo alcalde ao candidato de Sanxenxo Agrupación Liberal (SAL) Gonzalo Pita. En maio de 2017, tras romper o alcalde o pacto de goberno coa esquerda, alcanzou un acordo con este que supuxo a renuncia de Pita a alcaldía e que el puidese recuperala de novo[4], pasando Pita a ser primeiro tenente de alcalde. En 2019 e 2023 sería novamente reelixido alcalde, logrando a maioría absoluta con 10 concelleiros.
Sanción por invadir o dominio público na praia de Silgar
[editar | editar a fonte]A comezos de 2005 a raíz dunha denuncia do colectivo Salvemos Pontevedra comezou un proceso de sanción pola construción dun edificio de luxo en primeira liña de praia nun espazo que tiña que ser reservado o espazo público. A proposta de sanción consistía nunha multa de 3 millóns de euros. No 2011 o goberno da Xunta, presidido polo popular Alberto Núñez Feijóo, decidiu arquivar a sanción sen que figurase na referencia cos asuntos tratados que o Goberno galego lles achega aos medios.[5][6]
Sentenza por cobro de sobreprezos en Navia
[editar | editar a fonte]En xuño de 2018 condenan en firme á inmobiliaria Construcuatro, da que Telmo Martín era socio no momento dos feitos, por cobrar sobreprezos a compradores de vivendas de protección autonómica. A Xunta impuxo á construtora unha multa de 2,5 millóns de euros e esixiu a devolución doutros 1,2 millóns de euros aos compradores prexudicados. Máis de 30 afectados denunciaron á inmobiliaria por obrigarlles a pagar un sobreprezo por pisos de protección pública, as cantidades oscilaban entre os 9.000 e os 31.000 dependendo da vivenda.[7][8]
| Predecesor: José Luis Rodríguez Lorenzo |
 Alcalde de Sanxenxo 1999 - 2006 |
Sucesor: Catalina González Bea |
| Predecesor: Gonzalo Gonzalo Pita |
Alcalde de Sanxenxo 2017 - actualidade |
Sucesor: no cargo |
Notas
[editar | editar a fonte]- ↑ "nova do expediente a Costrucuatro". Arquivado dende o orixinal o 30 de xaneiro de 2015. Consultado o 27 de xuño de 2008.
- ↑ "Telmo Martín, el diputado más rico del Congreso". Faro de Vigo (en castelán). Consultado o 2019-02-03.
- ↑ Telmo Martín renuncia a su acta de concejal en Pontevedra, La Voz de Galicia, 26/3/2012.
- ↑ Telmo Martín toma posesión como alcalde de Sanxenxo, Faro de Vigo, 31/5/2017
- ↑ David Lombao (mércores 25, abril 2012). "A Xunta defende a legalidade do 'perdón' dunha multa de 3 millóns a Telmo Martín". Consultado o 3 de febreiro de 2019.
- ↑ Carbajo, Primitivo (2012-04-16). "Feijóo ‘perdona’ una multa de tres millones a la firma de Telmo Martín". El País (en castelán). ISSN 1134-6582. Consultado o 2019-02-03.
- ↑ David Reinero (xoves 14, xuño 2018). "A construtora de Telmo Martín cobrou sobreprezos en vivendas protexidas e Feijóo di que as urnas o avalaron". Consultado o Domingo, 3 de febreiro 2019.
- ↑ Lois, Elisa (2016-03-22). "El Superior confirma que dueños de pisos sociales pagaron sobreprecios". El País (en castelán). ISSN 1134-6582. Consultado o 2019-02-03.
Véxase tamén
[editar | editar a fonte]Outros artigos
[editar | editar a fonte]- Alcaldes de Sanxenxo
- Alcaldes de Galicia polo PPdeG
- Alcaldes de Galicia durante a democracia
- Nados en Meaño
- Deputados do Congreso dos Deputados polo PP
- Deputados no Congreso dos Deputados pola provincia de Pontevedra
- Personalidades da empresa de Galicia
- Nados en 1958
- Deputados no Congreso dos Deputados (X Lexislatura)