Troy Kotsur
 (2022)  | |
| Biografía | |
|---|---|
| Nacemento | 24 de xullo de 1968 (56 anos) Mesa, Estados Unidos de América |
| Educación | Universidade Gallaudet (pt)  American River College (en) Westwood High School (en) |
| Actividade | |
| Ocupación | actor, director de cinema |
| Familia | |
| Cónxuxe | Deanne Bray (2001–) |
| Premios | |
| |
      | |
Troy Michael Kotsur, nado en Mesa, Arizona, o 24 de xullo de 1968, é un actor estadounidense. A súa interpretación no filme CODA valeulle un Óscar ao mellor actor secundario de 2021,[1] entre outros premios.
Traxectoria
[editar | editar a fonte]Primeiros anos
[editar | editar a fonte]Kotsur é fillo de JoDee (de solteira True) e Leonard Stephen "Len" Kotsur, xefe de policía de Mesa.[2] Cando Kotsur tiña nove meses, os seus pais descubriron que era xordo e aprenderon a lingua de sinais americana para que a familia puidese comunicare. Os pais de Kotsur incentivárono para que practicase deportes e fixese amizade con nenos ouvintes no seu barrio. Kotsur asistiu á Phoenix Day School for the Deaf, onde se interesou pola actuación. Formouse na Westwood High School. No ensino medio, o seu profesor de teatro animouno a participar no espectáculo de variedades sénior, e interpretou unha escena de pantomima que foi recibida positivamente e o motivou a seguir no teatro.[3]
Despois que Kotsur se formou no ensino medio, realizou prácticas na KTSP-TV (posteriormente KSAZ-TV). Aínda que aspiraba a dirixir, nas prácticas axudaba a un editor e non se sentía conectado coas persoas, lembrando: "O meu soño de dirixir esvaeuse despois de que aceptei o feito de vivir nun mundo que non usaba a miña lingua".[4] Entón asistiu á Universidade Gallaudet de 1987 a 1989 e estudou teatro, televisión e cinema.
Carreira
[editar | editar a fonte]Cando Kotsur recibiu unha oferta de traballo como actor do Teatro Nacional dos Xordos (NTD), aceptou e deixou o Gallaudet para facer unha xira co NTD durante dous anos, actuando en dúas obras. En 1994 comezou a traballar para o Deaf West Theatre nos Ánxeles, actuando e dirixindo diversas producións.[5] No teatro, os seus papeis incluíron Stanley en A Streetcar Named Desire, Lenny en Of Mice and Men e o príncipe Hamlet en Ophelia.
En 2021, Kotsur apareceu na longametraxe CODA nun papel secundario como o pai xordo dunha filla adolescente ouvinte. A directora Sian Heder viu por primeira vez as súas interpretacións nas producións de Deaf West de Our Town e At Home at the Zoo de Edward Albee e contratouno como parte do elenco. A NPR informou que a actuación de Kotsur en CODA "impresionou tanto o público como a crítica".[6]
Kotsur tamén dirixiu a longametraxe No Ordinary Hero: The SuperDeafy Movie (2013).
Vida persoal
[editar | editar a fonte]Kotsur está casado coa actriz Deanne Bray.
Filmografía
[editar | editar a fonte]Cine
[editar | editar a fonte]| Ano | Título | Personaxe | Notas |
|---|---|---|---|
| 2007 | The Number 23 | Barnaby | |
| 2008 | Universal Signs | Chris | |
| 2009 | See What I'm Saying: The Deaf Entertainers Documentary | El mesmo | Documental |
| 2013 | No Ordinary Hero: The SuperDeafy Movie | Matt | Also director |
| 2016 | Wild Prairie Rose | James Hansen | |
| 2021 | CODA | Frank Rossi |
Televisión
[editar | editar a fonte]| Ano | Título | Personaxe | Notas |
|---|---|---|---|
| 2001 | Strong Medicine | Lars | Episodio: Fix" |
| 2002–2005 | Sue Thomas: F.B.Eye | Troy Myers | 5 episodios |
| 2003 | Doc | Troy | Episodio: "Rules of Engagement" |
| 2006 | CSI: NY | Dennis Mitchum | Episodio: "Silent Night" |
| 2007 | Scrubs | Mr. Frances | Episodio: "My Words of Wisdom" |
| 2012 | Criminal Minds | John Myers | Episodio: "The Silencer" |
| 2019 | The Mandalorian | Tusken Raider Scout #1 | Episodio: "Chapter 5: The Gunslinger" |
Notas
[editar | editar a fonte]- ↑ Pulver, Andrew; Horton, Adrian (28 de marzo de 2022). "Troy Kotsur wins best supporting actor Oscar for Coda". theguardian.com (en inglés). Consultado o 28 de marzo de 2022.
- ↑ 12 News
- ↑ Potkonjak, Marija (14-8-2021). "Sound, fury and success on stage". East Valley Tribune. Consultado o 6-2-2022.
- ↑ Polletta, Maria (1-12-2014). "Deaf actor from Mesa directs first movie". The Arizona Republic. Consultado o 6-2-2022.
- ↑ "Deaf Person of the Month: Troy Kotsur". MSM Productions Ltd. novembro de 2012. Consultado o 6-2-2022.
- ↑ Del Barco, Mandalit (8-8-2021). "How Troy Kotsur of 'CODA' broke barriers as a deaf actor, on stage and on screen". NPR. Consultado o 6-2-2022.
Véxase tamén
[editar | editar a fonte]Ligazóns externas
[editar | editar a fonte]- Troy Kotsur en Internet Movie Database (en inglés)
