Valmet L-70 Vinka

Valmet L-70 Vinka
Tipo	adestrador
Fabricante	Valmet
Primeiro voo	1 de xyllo de 1975
Introducido	1980
Principais usuarios	Forza Aérea de Finlandia
Unidades construídas	30

O Valmet L-70 Vinka é un avión de adestramento básico militar propulsado por un motor de pistóns de deseño finés da década de 1970. A principios dos anos 80 construíuse unha serie de 30 avións para a Forza Aérea de Finlandia, e aínda que o modelo non foi exportado, foi a base do Aermacchi M-290 RediGO propulsado por un motor turbohélice.

Deseño e desenvolvemento

O conglomerado de fabricación estatal finés Valmet Oy comezou o traballo de deseño en setembro de 1970 para un substituto dos Saab Safir que entón utilizaba a Forza Aérea de Finlandia como adestradores básicos. Valmet recibiu un pedido da Forza Aérea para o desenvolvemento do LEKO-70 en marzo de 1973. O primeiro prototipo fixo o seu voo inaugural desde o aeroporto de Halli o 1 de xullo de 1975.

O avión é un monoplano tractor de ás baixas, construción totalmente metálica e cun tren de aterraxe en triciclo fixo. Está propulsado por un único motor Lycoming O-360 de catro pistóns contrapostos de 200 cabalos que acciona unha hélice de dúas pas. No seu rol principal de adestramento, o alumno e o instrutor sentan un ao lado da outro baixo un gran dosel deslizante. Pódense levar dous asentos adicionais ou unha padiola e un asistente médico para a función de ligazón, mentres que as ás están equipadas con catro soportes para o transporte de cargas externas.

O 28 de xaneiro de 1977 a Forza Aérea de Finlandia realizou un pedido por 30 aeronaves que serían designados Vinka, sendo fabricados na factoría de Valmet en Kuorevesi.

Bibliografía

• "A New Northerly Air Current...The Vinka From Valmet". Air International 17 (6): 264–268, 289–290. December 1979. ISSN 0306-5634. 
• Taylor, John W. R., ed. (1982). Jane's All The World's Aircraft 1982–83. London: Jane's Yearbooks. ISBN 0-7106-0748-2.