A carreira foi a 17ª proba do calendario do UCI WorldTour 2015. Fíxose en nove tiradas: 7 etapas en liña e 2 contra reloxos individuais. A volta deu a saída en Risch-Rotkreuz e finou na capital, Berna tras un percorrido de 1.319,8 quilómetros. A etapa raíña foi a quinta que discorreu entre os lugares de Untersetzen e Sölden (Austria). Nela gañou o escalador francésThibaut Pinot.
Nas clasificacións secundarias, Peter Sagan venceu na clasificación por puntos, Stefan Denifl gañou na clasificación da montaña e o Team Sky proclamouse como o mellor equipo.
Na carreira participaron 152 ciclistas de 19 conxuntos diferentes (8 corredores por equipo). Deses 19 equipos: 17 eran os do UCI WorldTour e 2 eran de categoría Profesional Continental.