Voo 618 de Linjeflyg
| Voo 618 de Linjeflyg | |
|---|---|
 Un Vickers Viscount semellante ao do accidente
| |
| Resumo | |
| Data | 15 de xaneiro de 1977 |
| Causa | xeo atmosférico |
| Lugar | Kälvesta, Estocolmo |
| Coordenadas | |
| Finados | 22 (todos) |
| Aeronave | |
| Tipo de aeronave | Vickers 838 Viscount |
| Operador | Skyline, operando para Linjeflyg |
| Rexistro | SE-FOZ |
| Pasaxeiros | 19 |
| Tripulación | 3 |
| Superviventes | 0 |
O voo 618 de Linjeflyg foi un accidente dun Vickers 838 Viscount durante a aproximación ao aeroporto de Estocolmo-Bromma ás 09:05 do 15 de xaneiro de 1977. As 22 persoas a bordo do aparello morreron cando este se estrelou en Kälvesta, a 3 km do aeroporto de Bromma. O servizo doméstico dende Malmö, con escalas en Kristianstad, Växjö e Jönköping, estaba operado por Skyline no nome de Linjeflyg. O accidente foi causado pola formación de xeo atmosférico no estabilizador horizontal. A baixa potencia en dous dos motores causara que se reducisen as funcións do sistema de protección contra o xeo, causando unha acumulación do mesmo. A formación do xeo causou unha perda de control de inclinación e o avión caeu en picado. Entre os mortos estaba o tenista sueco Hans Alsér.
