Voo 711 de American Airlines

Voo 711 de American Airlines
CV-240 semellante ao do accidente
Resumo
Data	20 de marzo de 1955
Causa	erro do piloto
Lugar	a 0,25 millas do aeroporto de Springfield-Branson
Coordenadas
Finados	13
Feridos	22
Aeronave
Tipo de aeronave	Convair CV-240-0
Operador	American Airlines
Rexistro	N94234
Pasaxeiros	32
Tripulación	3
Superviventes	22

O voo 711 de American Airlines era un servizo regular dende Newark, Nova Jersey ata Tulsa, Oklahoma, con varias escalas no medio, sendo Springfield, Missouri unha delas. O día 20 de marzo de 1955 o avión que operaba a ruta, un Convair CV-240-0 con rexistro N94234, esnafrouse nun campo de lama na aproximación ao aeroporto rexional de Springfield-Branson, preto de Springfield, matando a 13 das 35 persoas a bordo (11 pasaxeiros e 2 tripulantes), e ferindo aos 22 restantes. Dos tres tripulantes só sobreviviu o piloto.

O piloto do voo, Jack Pripesh, sufriu feridas considerables, incluída a perda do ollo dereito, e quedou en coma despois do accidente. Case dúas semanas despois do sinistro, Pripesh díxolle a xornalistas que non podía lembrar nada del.

Os descubrimentos sobre o accidente foron publicados pola Xunta de Aeronáutica Civil o 22 de setembro de 1955. A xunta determinou que non se realizou unha aproximación completamente instrumental a Springfield-Branson, como debería ser en base ás pobres condicións meteorolóxicas do momento. As probas demostraron que a tripulación non parecía ter coñecemento da altitude da aeronave e que estaban descendendo. A xunta creu que foi probable que "os pilotos estaban centrándo a súa atención nas luces do aeroporto en vez de ver para os seus instrumentos".