Wilfred Thesiger

Wilfred Thesiger
	; (2014)
Biografía
Nacemento	3 de xuño de 1910 ; Adís Abeba, Etiopía
Morte	24 de agosto de 2003 (93 anos); Londres, Reino Unido
Educación	Magdalen College ; Eton College ; St. Aubyns School (en)
Actividade
Campo de traballo	Viaxe e libro de viaxes
Ocupación	explorador, militar, fotógrafo, viaxeiro, historiador, diplomático, escritor, coleccionista de plantas
Membro de	Academia Británica ; Royal Geographical Society ; Real Sociedade de Literatura ; Travellers Club (en)
Carreira militar
Rama militar	Exército Británico
Rango militar	major (en)
Conflito	segunda guerra mundial
Obra
Arquivos en	Pitt Rivers Museum (en) ;
Familia
Pais	Wilfred Thesiger e Kathleen Vigors
Irmáns	Dermot Vigors Thesiger; Roderic Miles Doughty Thesiger; Brian Peirson Doughty-Wylie
Premios
	(8 de xuño de 1968) Cabaleiro Comandante da Orde do Imperio Británico; (1966) Burton Memorial Medal (en) ; (1964) Heinemann Award (en) ; (1962) medalla Livingstone; (1948) Founder’s Medal (en) ; (30 de decembro de 1941) Ordem de Serviços Distintos (pt) ; membro da Royal Society of Literature; Membro da Real Sociedade Xeográfica; Membro da Academia Británica ;

Sir Wilfred Patrick Thesiger, nado en Adís Abeba o 3 de xuño de 1910 e morto o 24 de agosto de 2003, foi un explorador británico e escritor de libros de viaxes.

Traxectoria

Naceu en Addis Abeba, daquela pertencente a Abisinia, hoxe Etiopía. O seu pai foi un diplomático da coroa británica e fíxoo educar no colexio Eton e en Oxford. Pronto volveron a África, onde se axuntou ó servizo político do Sudán e logo, durante a segunda guerra mundial loitou nas recentemente creadas SAS (Special Air Service, "Servizo aéreo especial") no norte de África. Máis tarde traballou en Arabia dentro da DLRO (Desert Locusts Research Organisation, "Organización para a investigación sobre a lagosta do deserto") e as súas viaxes abrangueron terras de Iraq, Persia (actualmente Irán), Curdistán, Abisinia (hoxe Etiopía), o Sudán, a antiga África occidental francesa, Paquistán e Kenya. Tras todas estas viaxes volveu a Inglaterra contra o ano 1990 e foi nomeado oficialmente cabaleiro da coroa británica en 1995.

Libros de viaxes

Thesiger é coñecido tamén polos seus dous libros de viaxes:

Arabian Sands, "Areas de Arabia" (1959) conta as súas viaxes no Cuarto crecente baleiro, que cruzou dúas veces (v. Rub al-Khalí), entre 1945 e 1950 narrando cun retrato romántico a súa aventura e o esvaecemento da cultura e xeito de vida dos beduínos;
A The Marsh Arabs, "Cos árabes das marismas" (1964) que é un relato sobre os pobos que tradicionalmente viviron nos pantanos do sur de Iraq.

Thesiger tirou moitísimas fotografías durante as súas viaxes e finalmente doou a súa enorme colección de 25.000 negativos ó museo Pitt-Rivers de Oxford.

Citas

Nunca foi precisamente partidario da cultura dos Estados Unidos e chegou mesmo a dicir o seguinte:

O efecto a longo prazo da cultura norteamericana cando se espalla a tódolos currunchos e recantos de tódolos desertos e tódolos vales montañosos será a fin da humanidade. A nosa cobiza polas posesións materiais, o xeito mediante o que mantemos esta avaricia, a ausencia de equilibrio nas nosas vidas e a nosa fachenda cultural mataranos en menos dun século a non ser que aprendamos a pararnos e pensar. Pode que sexa xa demasiado tarde.^[1]

Sarah Wheeler, escritora de literatura de viaxes, autora de Travels in a Thin Country, "Viaxes por un estreito país" dixo del:

Thesiger [vivía] nun mundo homérico de exploración e literatura de viaxes, un mundo anterior ós patrocinadores ou ós compromisos. Resistiu coma un monólito fronte ó noxento consumismo e a merdenta cultura do famoseo"^[2]

Notas

↑ Cita orixinal:The long-term effect of US culture as it spreads to every nook and cranny in every desert and every mountain valley will be the end of mankind. Our extraordinary greed for material possessions, the ways we go about nurturing that greed, the lack of balance in our lives, and our cultural arrogance will kill us off within a century unless we learn to stop and think. It may be too late.
↑ Cita orixinal:Thesiger [dwelled] in a Homeric age of exploration and travel writing, an age before sponsorship and television tie-ins. He stands as a monolith against trash consumerist and trash celebrity culture.

Véxase tamén

Bibliografía

Donovan Meister & George Steinmetz (2005) Media luna vacía. En: Revista National Geographic edición española de febreiro de 2005.

[1] Cita orixinal:The long-term effect of US culture as it spreads to every nook and cranny in every desert and every mountain valley will be the end of mankind. Our extraordinary greed for material possessions, the ways we go about nurturing that greed, the lack of balance in our lives, and our cultural arrogance will kill us off within a century unless we learn to stop and think. It may be too late.

[2] Cita orixinal:Thesiger [dwelled] in a Homeric age of exploration and travel writing, an age before sponsorship and television tie-ins. He stands as a monolith against trash consumerist and trash celebrity culture.

[1]

[2]