Wilson Greatbatch
| Biografía | |
|---|---|
| Nacemento | 6 de setembro de 1919  Buffalo, Estados Unidos de América |
| Morte | 27 de setembro de 2011 (92 anos) Buffalo, Estados Unidos de América |
| Educación | Universidade do Estado de Nova York en Buffalo West Seneca East Senior High School (en)  Cornell University College of Engineering (en) Universidade Cornell Weill Cornell Medicine (en) |
| Actividade | |
| Campo de traballo | Enxeñaría eléctrica |
| Ocupación | enxeñeiro, inventor |
| Premios | |
| |
  | |
Wilson Greatbatch, nado en Buffalo o 6 de setembro de 1919 e finado en Williamsville o 27 de setembro de 2011, foi un enxeñeiro e inventor estadounidense que realizou avances no desenvolvemento do primeiro marcapasos cardíaco implantábel, aínda que adoita ser recoñecido como o inventor do marcapasos en xeral. Era graduado pola Universidade Cornell e a Universidade de Buffalo.[1] Rexistrou máis de 350 patentes, foi membro do National Inventors Hall of Fame e recibiu o Premio Lemelson-MIT en 1996.[1][2]
Traxectoria
[editar | editar a fonte]Primeiros anos
[editar | editar a fonte]Greatbatch naceu en Buffalo, Nova York, e asistiu á escola pública West Seneca High School.[3][4] Realizou o servizo militar e serviu durante a segunda guerra mundial, converténdose e xefe de radio da aviación antes de recibir unha licenza honorable en 1945.[4] Asistiu á Universidade Cornell como parte do GI Bill, graduándose cun B.E.E. en enxeñaría eléctrica en 1950; recibiu un mestrado pola Universidade de Buffalo en 1957. A Greatbatch gustáballe manipular obxectos, o que o levou a realizar outras cousas.[4]
Achegas ao desenvolvemento do marcapasos
[editar | editar a fonte]Os marcapasos implantábeis construídos por Greatbatch comezaron a empregarse en abril de 1960 logo de numerosas probas en animais. O uso de baterías de mercurio como fonte de enerxía foi a grande innovación de Greatbatch, quen se baseou nos primeiros dispositivos suecos deseñados por Rune Elmqvist. O primeiro paciente en recibir un deses marcapasos con baterías de mercurio viviu máis de dezaoito meses.
Contra finais da década de 1960, moitas compañías nos Estados Unidos desenvolveron marcapasos accionados por un xerador termoeléctrico de radioisótopos, mais foron superados polo desenvolvemento en 1971 da cela de ioduro de litio por Wilson Greatbatch. As celas de ioduro de litio ou ánodo de litio convertéronse no estándar para futuros deseños de marcapasos.
Pasamento
[editar | editar a fonte]Greatbatch actuou como presbítero na igrexa presbiteriana Clarence, en que cantou no croro e daba clases na escola dominical.[5]
Wilson Greatbatch faleceu aos 92 anos o 27 de setembro de 2011.[6][7]
Notas
[editar | editar a fonte]- ↑ 1,0 1,1 "Wilson Greatbatch" (en inglés). Arquivado dende o orixinal o 15 de outubro de 2011. Consultado o 28 de setembro de 2011.
- ↑ "Implantable pacemaker inventor Wilson Greatbatch dies". BBC News (en inglés). 27 de setembro de 2011. Consultado o 28 de setembro de 2011.
- ↑ "Oral-History:Wilson Greatbatch - Engineering and Technology History Wiki". ethw.org (en inglés). Consultado o 30 de decembro de 2017.
- ↑ 4,0 4,1 4,2 "Wilson Greatbatch". Inventor profile. National Inventors Hall of Fame. Arquivado dende o orixinal o 15 de outubro de 2011. Consultado o 28 de setembro de 2011.
- ↑ "Remembering Wilson Greatbatch". Arquivado dende o orixinal o 05 de marzo de 2016. Consultado o 15 de decembro de 2019.
- ↑ Feder, Barnaby (28 de setembro de 2011). "Wilson Greatbatch, Pacemaker Inventor, Dies at 92". The New York Times.
- ↑ Richmond, Caroline (29 de setembro de 2011). "Wilson Greatbatch obituary". The Guardian (Londres).
Véxase tamén
[editar | editar a fonte]Bibliografía
[editar | editar a fonte]- Beck H, Boden WE, Patibandla S, Kireyev D, Gutpa V, Campagna F, Cain ME, Marine JE.50th Anniversary of the first successful permanent pacemaker implantation in the United States: historical review and future directions. Am J Cardiol. 15 de setembro de 2010; 106(6):810-8.
Ligazóns externas
[editar | editar a fonte]- Biography of Greatbatch at MIT website Arquivado 18 de marzo de 2003 en Wayback Machine.
- Adam, John (5 de febreiro de 1999). "Making Hearts Beat". Innovative Lives - The Smithsonian's Lemelson Center for the Study of Invention and Innovation. Smithsonian Institution. Arquivado dende o orixinal o 21 de abril de 2008. Consultado o 2008-04-19.
- "Wilson Greatbatch Makes Hearts Beat". Prototype Online: Inventive Voices podcast - The Smithsonian's Lemelson Center for the Study of Invention and Innovation. Smithsonian Institution. 8 de outubro de 1996.
- Greatbatch.com Company Website
