Xene da regra par
Un xene da regra par (pair-rule gene) é un tipo de xene implicado no desenvolvemento dos embrións segmentados dos insectos. Os xenes da regra par defínense polo efecto dunha mutación nese xenes, a cal causa a perda dos patróns normais de desenvolvemento en segmentos alternantes.
Os xenes da regra par foron descritos primeiramente por Christiane Nüsslein-Volhard e Eric Wieschaus en 1980.[1] Utilizaron un exame xenético (genetic screen) para identificar os xenes necesarios para o desenvolvemento embrionario na mosca da froita Drosophila melanogaster. Nas Drosophila normais non mutadas cada segmento embrionario produce pelos ou sedas chamadas dentículos nunha banda situada no lado do segmento próximo á cabeza (o lado anterior). Descubriron cinco xenes, chamados even-skipped, hairy, odd-skipped, paired e runt, nos cales as mutacións causaban a delecións dunha rexión particular de cada segmento alternado. Por exemplo, no even-skipped, perdíanse as bandas de dentículos de segmentos alternados, o cal daba lugar a un embrión que tiña a metade das bandas de dentículos con respecto ao normal. En traballos posteriores identificaron máis xenes da regra par nas fases iniciais do embrión de Drosophila, como o fushi tarazu, odd-paired, sloppy paired, e tenm.[2][3]
Unha vez que os xenes da regra par foron identificados a nivel molecular viuse que cada xene se expresa en parasegmentos alternados, é dicir, rexións do embrión que están moi relacionadas cos segmentos, pero que están lixeiramente fóra de rexistro.[4][5][6][7] Cada parasegmento inclúe a parte posterior dun (futuro) segmento, e a parte anterior do seguinte segmento (en posición máis posterior no parasegmento). As bandas de expresión dos xenes da regra par corresponden aos das rexións perdidas no mutante. A expresión de xenes da regra par en bandas depende da regulación directa de xenes gap [8] e de interaccións regulatorias entre os propios xenes da regra par.[9]
Notas
[editar | editar a fonte]- ↑ Nüsslein-Volhard C, Wieschaus E (1980). "Mutations affecting segment number and polarity in Drosophila". Nature 287 (5785): 795–801. PMID 6776413. doi:10.1038/287795a0.
- ↑ Wakimoto BT, Kaufman TC (1981). "Analysis of larval segmentation in lethal genotypes associated with the antennapedia gene complex in Drosophila melanogaster". Dev. Biol. 81 (1): 51–64. PMID 6780397. doi:10.1016/0012-1606(81)90347-X.
- ↑ Baumgartner S, Martin D, Hagios C, Chiquet-Ehrismann R (1994). "Tenm, a Drosophila gene related to tenascin, is a new pair-rule gene". EMBO J. 13 (16): 3728–40. PMC 395283. PMID 8070401.
- ↑ Hafen E, Kuroiwa A, Gehring WJ (1984). "Spatial distribution of transcripts from the segmentation gene fushi tarazu during Drosophila embryonic development". Cell 37 (3): 833–41. PMID 6430568. doi:10.1016/0092-8674(84)90418-5.
- ↑ Ingham, P. W., K. R. Howard, and D. Ish-Horowicz (1985). "Transcription pattern of the Drosophila segmentation gene hairy". Nature 318: 439–445.
- ↑ Macdonald PM, Ingham P, Struhl G (1986). "Isolation, structure, and expression of even-skipped: a second pair-rule gene of Drosophila containing a homeo box". Cell 47 (5): 721–34. PMID 2877745. doi:10.1016/0092-8674(86)90515-5.
- ↑ Lawrence PA, Johnston P, Macdonald P, Struhl G (1987). "Borders of parasegments in Drosophila embryos are delimited by the fushi tarazu and even-skipped genes". Nature 328 (6129): 440–2. PMID 2886916. doi:10.1038/328440a0.
- ↑ Ingham, P. W., Ish-Horowicz, D., & Howard, KR (1986). "Correlative changes in homoeotic and segmentation gene expression in Krüppel mutant embryos of Drosophila". The EMBO Journal 5 (7): 1659.
- ↑ Howard K . and Ingham P. "Regulatory interactions between the segmentation genes fushi tarazu, hairy, and engrailed in the Drosophila blastoderm". Cell 44 (6): 949–957.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- The Interactive Fly: http://www.sdbonline.org/fly/aignfam/gapnprl.htm
