Xoán Antonio García de Bouzas
| Biografía | |
|---|---|
| Nacemento | década de 1680  |
| Morte | 23 de maio de 1755 (65/75 anos) Santiago de Compostela, España |
| Actividade | |
| Ocupación | pintor |
 | |
Xoán Antonio García de Bouzas, nado antes de 1680 e finado o 23 de maio de 1755, foi un pintor do barroco galego.
Traxectoria
[editar | editar a fonte]O pintor Xoán Antonio García de Bouzas, denominado ás veces nos documentos Juan Antonio das Bouças, naceu probabelmente na cidade de Santiago de Compostela antes do 1680; faleceu na mesma cidade.
Marchou novo a Madrid onde foi discípulo de Lucas Jordán. Á súa volta da capital, casou con Andrea de Castro Calo, da que tivo tres fillos, entre eles Miguel Antonio, que sería tamén pintor. Falecida a súa dona, volveu casar con Xoana Abad de Castro, tendo tres fillas máis.
A escasa demanda de obras pictóricas fixo que García de Bouzas se dedicase á pintura litúrxica, decorando e dourando retablos e imaxinería, labor no que os pedidos eran abundantes.
Como verdadeiro pintor García de Bouzas tivo como comitentes á Catedral de Santiago (que o nomea ministro de fábrica en 1711) e outras institucións relixiosas, tanto compostelás como de diversos lugares galegos.
Obra
[editar | editar a fonte]- Aparición da Virxe a un leigo dominico, 1721 (Sto. Domingos, Lugo)
- Aparición da Virxe a Santiago, ca. 1722 (retablo da Capela do Pilar, Catedral de Santiago)
- Santiago o Maior, sedente, 1748 (antesacristía da Catedral de Santiago)
- Santo André
- San Pedro Apóstolo
- Cristo camiño do Calvario (sala capitular, Catedral de Santiago)
- Retrato de Alonso de la Peña, bispo de Quito
- Retrato de Fernando VI (1751)
Véxase tamén
[editar | editar a fonte] |
Wikimedia Commons ten máis contidos multimedia na categoría: Xoán Antonio García de Bouzas  |
Bibliografía
[editar | editar a fonte]- Couselo Bouzas, José, La pintura gallega. A Coruña. 1950
- Fernández Álvarez, Mª Agustina, Arte y sociedad en Compostela: 1660-1710. Sada. 1996
- García Iglesias, José Manuel et al., artigo "GARCÍA DE BOUZAS, Juan Antonio" da Gran Enciclopedia Galega.
Ligazóns externas
[editar | editar a fonte]- Bibliografía de Xoán Antonio García de Bouzas en pintoresgallegos.com.
