Xogos Curruncheiros de Sada
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Os Xogos Curruncheiros é un evento festivo celebrado en Sada con xogos populares, xincanas, concursos de castelos de area, artísticos ou gastronómicos. Celébranse desde 2014 e adoitan ter lugar o sábado após a fin das festas de Sada, normalmente a cuarta fin de semana de agosto, e lévanse a cabo na zona do Curruncho, na praia das Delicias.
Historia[editar | editar a fonte]
O 3 de xullo de 2014 nun grupo de Facebook propúxose retomar diversas xuntanzas populares que se facían no pasado. A primeira levouse a cabo o 9 de agosto de 2014, co nome de I Xuntanza de veciñ@s “Eres de Sada si…”. Ese encontro foi a semente dos Xogos Curruncheiros, ao improvisarse alí a competición entre dous equipos.
No 2015 non houbo encontro, pero retomouse no 2016, seguindo en certa medida o modelo da Festa da Dorna. Desde entón o evento tivo continuidade.