Xosé Agrelo Hermo

Para outras páxinas con títulos homónimos véxase: Agrelo.

Xosé Agrelo Hermo

Busto en Esteiro
Biografía
Nacemento	10 de abril de 1937 Barro, España
Morte	21 de novembro de 2006 (69 anos) Santiago de Compostela, España
Actividade
Ocupación	escritor
Xénero artístico	Narrativa, teatro e ensaio
Premios
(2004)  Premio Anisia Miranda de teatro para a infancia (1971)  Concurso nacional de contos infantís O Facho
Descrito pola fonte	Gran Enciclopedia Galega Silverio Cañada

Xosé Agrelo Hermo, máis coñecido como Pepe Agrelo, nado en Barro (Noia) o 10 de abril de 1937 e finado en Santiago de Compostela o 21 de novembro de 2006, foi un escritor galego.

Traxectoria

Aos dez anos marcha para o Seminario de Santiago, e aos vinte e un, a punto de facerse sacerdote, abandona e marcha a Madrid. Desempeña diversos traballos e regresa a Noia, para facerse mestre. Impartiu aulas en Boiro, Outes, Torea, Esteiro e no IES As Insuas de Muros, onde foi director.

O seu afán de dinamización cultural e a súa vocación teatral levárono ao teatro escolar e afeccionado. Fundou e dirixiu os grupos teatrais: Talía de Noia (1962-66), Candea de Noia (1973-80), Agrocovo Teatro Infantil (1975-98), Xestruxo de Esteiro (1982-86) e O Xeito de Esteiro (2004).

Foi redactor xefe da revista Barbanza (1988-90), director de A Motora (1993), do comité de redacción da revista Alameda e director de publicacións da Editorial Toxosoutos.

Foi candidato ao Senado polo BN-PG en 1977 e ao Congreso en 1979, e concelleiro en Muros polo BNG de 1979 a 1987.

Está soterrado en Santa Cristina de Barro (Noia), a súa vila natal.

Obras

Narrativa

• O espantapaxaros, 1972.

Teatro

• O mestre, 1989.
• Metá e metá, 1989.
• Noite de lobos, 1989, escrito en 1975.

Ensaio

• O xogo dramático (de, con, por, para nenos), 1990.
• A freguesía de Santa Cristina de Barro, 1996.
• Avilés de Taramancos, 2002.
• Derrota e singraduras do Joaquín Vieta, 2005.

Literatura infanto-xuvenil

• Os sete coitelos, 1994, Toxosoutos.
• Rumbo ao Maluco, 2003.

Obras colectivas

• Noia. Porto de Compostela, 2002. Banda deseñada. Foi traducida ao castelán.

Premios

• Concurso de redacción en lingua galega do Facho no 1970, por Noia.
• 1º Premio do Concurso nacional de contos infantís O Facho no 1971, por O espantallo.

Véxase tamén

Bibliografía

• Barrera, F., ed. (2002). Gallegos. Quién es quien en la Galicia del siglo XXI (en castelán). Santiago de Compostela: El Correo Gallego / O Correo Galego. p. 15. ISBN 84-8064-113-4. 

Ligazóns externas

• Xosé Agrelo Hermo na Biblioteca Virtual Galega.