Zhuang Zi

Zhuang Zi
	;
Nome orixinal	(zh-hant) 莊子; (zh-hans) 庄子
Biografía
Nacemento	(zh-hant) 莊周 ; c. 369 a. C. ; Shangqiu (pt)
Morte	c. 288 a. C. (80/81 anos)
Actividade
Campo de traballo	Filosofía
Ocupación	filósofo, escritor, poeta
Influencias	Laozi
Obra
	Obras destacables (década de 300 a. C.) Zhuangzi (livro) (pt) ;
Descrito pola fonte	Dicionario Enciclopédico Brockhaus e Efron; Registos do Historiador (pt)

Zhuangzi (chinés tradicional: 莊子; chinés simplificado: 庄子; pinyin: Zhuāngzǐ; Wade-Giles: Chuang¹ Tzu³) foi un famoso filósofo da antiga China que viviu no século IV a. C.. O seu nome de nacemento era Zhuang Zhou (莊周, Zhuāng Zhōu). Naceu na cidade de Meng, no reino de Song (hoxe Shāngqiū 商邱, Henan). Considérase un dos pensadores taoístas máis importantes, xunto con Laozi.^[1]

Zhuangzi viviu durante a época clásica do pensamento chinés, o período dos Reinos Combatentes, no que floreceron as chamadas Cen Escolas. Foi contemporáneo de figuras como Mencio ou Hui Shi, co que sostivo frutíferas polémicas filosóficas.^[2]^[3] A súa obra tivo unha enorme influencia no desenvolvemento do budismo chan ou zen, varios séculos despois da súa morte.^[1] Tamén inspirou a literatos, como o poeta xaponés Matsuo Bashō.^[4]

Traxectoria

A principal fonte sobre a vida de Zhuangzi é un breve fragmento do capítulo 63 do Shiji 史記 de Sima Qian, e a maior parte da información que contén parece provir de anécdotas narradas no propio Zhuangzi.^[5]^[6] Nesta biografía, o autor é descrito como un oficial de baixo rango da cidade de Meng (na actual Anhui), no reino de Song, que viviu nos tempos do rei Hui de Liang e do rei Xuan de Qi (finais do século IV a.C.).^[7] Sima Qian indica que Zhuangzi estivo moi influenciado por Laozi, e que rexeitou unha oferta de traballo do rei Wei de Chu porque valoraba a súa liberdade persoal.^[8]

A existencia histórica de Zhuangzi foi posta en dúbida por diversos estudosos, entre os que se inclúe o estadounidense Russell Kirkland, quen afirma que non hai evidencia histórica sólida sobre esta figura, agás a dispoñible a través dun comentador do século III, Guo Xiang.^[9]

O Zhuangzi

O libro que leva o seu nome, o Zhuangzi, foi escrito ao longo dos anos por diversos autores, que compartían estilo e afinidades intelectuais.^[1] Porén, atribúenselle con seguridade os sete primeiros capítulos (chamados 內篇 nèi piàn, "capítulos interiores"), que son cronoloxicamente anteriores ao resto da obra e parecen escritos pola mesma man.^[1] O resto da obra, os dezaseis "capítulos exteriores" (外篇, wài piàn) e os dez "capítulos misceláneos" (雜篇, zá piàn), pertencen aos seus discípulos ou a autores posteriores.^[1]

Traducións

Zhuangzi (1996). Zhuang zi. Maestro Chuang Tsé. Tradución de Iñaki Preciado Idoeta. Kairós.^[10]
Zhuangzi (2005). Los capítulos interiores de Zhuang zi. Tradución de Pilar González España e Jean-Claude Pastor-Ferrer. Trotta.^[11]

Notas

↑ ^1,0 ^1,1 ^1,2 ^1,3 ^1,4 Hansen, Chad (2021). Zalta, Edward N., ed. Zhuangzi (Fall 2021 ed.). Metaphysics Research Lab, Stanford University.
↑ Zhuangzi (1996). Zhuangzi (en castelán). Kairós.
↑ "School of Names > Life of Hui Shi (Stanford Encyclopedia of Philosophy)". plato.stanford.edu. Consultado o 2023-12-01.
↑ Qiu, Peipei (2005). Bashō and the Dao: The Zhuangzi and the Transformation of Haika (en inglés). Hawai'i University Press.
↑ Admin, Purple Cloud (2020-08-30). "Daoism Series 23: 荘子 Zhuang Zi". Purple Cloud (en inglés). Consultado o 2024-01-17.
↑ Mair, Victor H. (1994). Wandering the Way: Early Taoist Tales and Parables of Chuang Tzu (en inglés). Bantam Books. ISBN 0-553-37406-0.
↑ Ziporyn, Brook (2009). Zhuangzi: The Essential Writings with Selections from Traditional Commentaries (en inglés). Hackett Publishing. ISBN 978-1-60384-435-2.
↑ Horne, Charles F., ed. (1917). The Sacred Books and Early Literature of the East, Volume XII: Medieval China (en inglés). Parke.
↑ Kirkland, Russell (2004). Taoism: The Enduring Tradition (en inglés). Routledge. ISBN 978-0-415-26321-4.
↑ "Zhuang Zi: maestro Chuang Tsé — 南华真经 (Nan Hua Zhen Jing) — La literatura china traducida en España". dtieao.uab.cat. Consultado o 2024-01-17.
↑ "Los capítulos interiores de Zhuang Zi — 南华真经 (Nan Hua Zhen Jing) — La literatura china traducida en España". dtieao.uab.cat. Consultado o 2024-01-17.

Véxase tamén

Ligazóns externas

莊子 (La literatura china traducida en España)
《莊子》(Chinese Text Project)
Os capítulos interiores de Zhuangzi (en castelán)

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

[:0-1] 1,0 ^1,1 ^1,2 ^1,3 ^1,4 Hansen, Chad (2021). Zalta, Edward N., ed. Zhuangzi (Fall 2021 ed.). Metaphysics Research Lab, Stanford University.

[2] Zhuangzi (1996). Zhuangzi (en castelán). Kairós.

[3] "School of Names > Life of Hui Shi (Stanford Encyclopedia of Philosophy)". plato.stanford.edu. Consultado o 2023-12-01.

[4] Qiu, Peipei (2005). Bashō and the Dao: The Zhuangzi and the Transformation of Haika (en inglés). Hawai'i University Press.

[5] Admin, Purple Cloud (2020-08-30). "Daoism Series 23: 荘子 Zhuang Zi". Purple Cloud (en inglés). Consultado o 2024-01-17.

[6] Mair, Victor H. (1994). Wandering the Way: Early Taoist Tales and Parables of Chuang Tzu (en inglés). Bantam Books. ISBN 0-553-37406-0.

[7] Ziporyn, Brook (2009). Zhuangzi: The Essential Writings with Selections from Traditional Commentaries (en inglés). Hackett Publishing. ISBN 978-1-60384-435-2.

[8] Horne, Charles F., ed. (1917). The Sacred Books and Early Literature of the East, Volume XII: Medieval China (en inglés). Parke.

[9] Kirkland, Russell (2004). Taoism: The Enduring Tradition (en inglés). Routledge. ISBN 978-0-415-26321-4.

[10] "Zhuang Zi: maestro Chuang Tsé — 南华真经 (Nan Hua Zhen Jing) — La literatura china traducida en España". dtieao.uab.cat. Consultado o 2024-01-17.

[11] "Los capítulos interiores de Zhuang Zi — 南华真经 (Nan Hua Zhen Jing) — La literatura china traducida en España". dtieao.uab.cat. Consultado o 2024-01-17.

[1]

[2]

[3]

[4]

[5]

[6]

[7]

[8]

[9]

[10]

[11]