Rally da Coruña de 1985
| Tipo | edición de rally  |
|---|---|
| Parte de | Rally da Coruña e Tempada 1985 do Campionato de Galicia de Rally |
| Número de participantes | 43 |
| Localización e Datas | |
| País | España |
| Número de edición | 15 (1985) |
| Competición | |
| Primeiro posto | José Antonio Rodríguez Estévez |
O Rally da Coruña de 1985 foi a 15ª edición de dito rally, así como a penúltima proba da tempada 1985 do Campionato de Galicia de Rally. Celebrouse o 10 de decembro de 1985 e o vencedor foi o ourensán Peitos, a bordo dun Alfa Romeo GTV 6.[1]
O coruñés José Mora, a pesar de non participar no rally, proclamouse campión galego ao remate deste, tras o abandono na proba do seu máximo rival, Carlos Piñeiro.[2]
Itinerario
[editar | editar a fonte]O rally constou de 246,9 km totais, dos cales 68,6 foron cronometrados, e estivo dividido en dúas seccións. A primeira delas consistiu nun só treito, o miradoiro de Bens, e disputouse de xeito nocturno a partir das 00:00 horas do día 10. A segunda sección correuse a partir das 8:30 da mañá e consistiu en dúas pasadas polos treitos de Cambre, Limiñón, Ois, Doroña e Vilouzás.[3]
Resumo
[editar | editar a fonte]Carlos Piñeiro comezou liderando a proba pero tivo que retirarse nada máis comezar a segunda etapa, por culpa dun erro das súas asistencias, que colocaron gasóleo en vez de gasolina no seu Porsche 911 SC. O seu abandono provocou a perda de todas as súas posibilidades de proclamarse campión galego de 1985, indo o título a parar matematicamente ás mans de José Mora, que non participou no rally.[2]
O lucense José Luis Vilanova, conducindo tamén un Porsche 911 SC, ocupou a praza de Piñeiro ata o terceiro treito, cando foi superado polo Alfa Romeo de Peitos, que xa non abandonou o liderado en toda a proba, chegando a marcar o mellor tempo en seis dos treitos. Logo Vilanova sufriu unha saída de estrada nun dos enlaces e foi penalizado no control, perdendo a segunda praza e caendo ata o posto 14º final, a pesar de ter sido o máis rápido en tres dos treitos.[1]
O Renault 5 GT Turbo de Alfonso Pavón foi o que chegou finalmente á meta en segundo lugar, despois de manter un duelo durante todo o rally co Renault 5 Copa Turbo de Germán Castrillón. Castrillón fora por diante de Pavón durante todo o rally pero perdeu a súa escasa vantaxe no último tramo ao saírse da estrada, chegando finalmente terceiro. Diego Barcia foi en cuarta posición gran parte do rally, pero no último treito acabou nunha silveira e quedou relegado á novena posición final.[1]
Unha das pasadas por Limiñón tivo que ser anulada despois dun duro accidente de José Caamaño e o seu copiloto Carlos García, tendo que ser trasladado este último ao hospital.[1]
Clasificación
[editar | editar a fonte]| Pos | Piloto | Copiloto | Automóbil |
|---|---|---|---|
| 1 |  "Peitos"
|
Francisco Javier Salgueiro
|
Alfa Romeo GTV 6 |
| 2 | Alfonso Pavón
|
Guillermo Díez
|
Renault 5 GT Turbo |
| 3 | Germán Castrillón
|
Estrella Castrillón
|
Renault 5 Copa Turbo |
| 4 | Víctor López
|
Couce
|
SEAT 124 2000 |
| 5 | Arturo Rial
|
Ford Fiesta | |
| 6 | Manuel Balado
|
Quián
|
Talbot Samba Rallye |
| 7 | Jano Outeiriño
|
Ford Fiesta XR2 | |
| 8 | Míguez
|
SEAT 124 2000 | |
| 9 | Diego Barcia
|
SEAT 124 2000 | |
| 10 | Morado
|
Renault 5 GT Turbo | |
| 14 | José Luis Vilanova
|
Valverde | Porsche 911 SC |
| Abandonos | |||
| - | Carlos Piñeiro
|
Julio Orozco
|
Porsche 911 SC |
| José Caamaño
|
Carlos García
|
Renault 5 GT Turbo | |
Notas
[editar | editar a fonte]- ↑ 1,0 1,1 1,2 1,3 Arévalo, Fernando (11 de novembro de 1985). "Los orensanos Peitos y Salgueiro ganaron el «XV rally de La Coruña»". La Voz de Galicia (en castelán) (A Coruña ed.). p. 48.
- ↑ 2,0 2,1 Arévalo, Fernando (12 de novembro de 1985). "Pese a no correr en La Coruña, Mora es campeón gallego de rallys". La Voz de Galicia (en castelán). p. 45.
- ↑ "El XV Rally de La Coruña se disputará los próximos días 9 y 10 de noviembre". La Voz de Galicia (en castelán). 30 de outubro de 1985. p. 35.
| Predecesor: Rally San Froilán |
Campionato de Galicia de Rally Tempada 1985 |
Sucesor: Rally de Pontevedra |