Alberto Blanco
| Nome orixinal | Alberto Blanco Vila |
|---|---|
| Biografía | |
| Nacemento | 8 de xaneiro de 1970 Vilagarcía de Arousa, España  |
| Actividade | |
| Ocupación | adestrador de baloncesto |
| Empregador | Club Baloncesto Peixefresco Baloncesto Málaga, SAD Obradoiro Clube de Amigos do Baloncesto Selección de baloncesto de Mozambique Club Xuventude Baloncesto CB Ciudad de Burgos (en)  BC Lietuvos Rytas |
| Deporte | baloncesto |
Alberto Blanco Vila coñecido como Alberto Blanco, nado en Vilagarcía de Arousa o 8 de xaneiro de 1970, é un adestrador galego de baloncesto. É o fundador do recoñecido torneo de baloncesto base Vilagarcía Basket Cup.[1]
Traxectoria
[editar | editar a fonte]Despois dunha traxectoria como xogador no baloncesto base e sénior, en equipos como o Liceo Marítimo e o CB Dorna, Blanco comezou a súa andaina no banco en 1998 como adestrador do equipo cadete do Liceo e logo adestraría a distintos equipos galegos como o Club Baloncesto Peixefresco Marín (EBA), o Club Xuventude Baloncesto (1ª Div. Autonómica) e o Arranz Burgos (Liga Feminina). En 2006 e 2007 foi o adestrador da selección de baloncesto de Mozambique; coa selección feminina gañou o ouro nos Xogos da Lusofonía de Macau 2006. Posteriormente, formou parte do equipo técnico do Unicaja de Málaga.[2][3]
No verán de 2009 foi nomeado director deportivo do Obradoiro CAB da ACB, con Curro Segura como adestrador. [4]
No verán de 2015 incorporouse á disciplina do BC Rytas da Lietuvos Krepšinio Lyga como asistente do técnico arxentino Marcelo Nicola.[5] Na tempada 2017-2018 asinou un novo contrato co club lituano para ser asistente de Rimas Kurtinaitis, compaxinando ese posto co de captador de talentos no organigrama do Lietuvos Rytas baixo a dirección do ex xogador da NBA Linas Kleiza.[6] Na tempada 2018-2019 continuou no club lituano.[7]
Na tempada 2019-20, fichou como axudante de Carles Marco no Chocolates Trapa Palencia da LEB Ouro,[8] ademais de ser adestrador axudante de Zan Tabak na selección de Eslovaquia.
Na tempada 2020-21 ficha como adestrador no BK Inter Bratislava e director técnico das seleccións de formación eslovacas.
Na tempada 2021-22 dirixiu o filial do Lokomotiv Kuban.
Na tempada 2022-23 fichou como director xeral do Cáceres Ciudad del Baloncesto da LEB Ouro,[9] renovando o cargo na tempada 2023-2024[10] e permanecendo no posto até o 22 de xaneiro, data na que se anunciou a rescisión do seu contrato.[11]
Clubs
[editar | editar a fonte]- Categorías inferiores do Liceo Marítimo
- Club Baloncesto Peixefresco Marín. Liga EBA
- Club Baloncesto Xuventude. Primeira Nacional
- Arranz Burgos (Liga Feminina)
- 2006-2007 Adestrador da selección de baloncesto de Mozambique
- 2007-2009 Unicaja de Málaga. adestrador asistente
- 2009-2010 Obradoiro Clube de Amigos do Baloncesto . director deportivo
- 2015-2019 Lietuvos Rytas. Adestrador axudante de Marcelo Nicola e Rimas Kurtinaitis
- Baloncesto Palencia 2019-2020. Liga Ouro LEB. Adestrador axudante de Carles Marco
- Selección de Eslovaquia 2019-2021. Adestrador asistente de Zan Tabak
- 2020-2021 BK Inter Bratislava. Slovenská Basketbalová Liga. Adestrador
- 2021-2022 Lokomotiv Kuban II. Adestrador
- 2022-2024 Cáceres Cidade do Baloncesto. Liga Ouro LEB. director deportivo
Familia
[editar | editar a fonte]É irmán do actor Carlos Blanco Vila, e tío do ex xogador da Liga LEB Nacho Rebollo.
Notas
[editar | editar a fonte]- ↑ "A Vilagarcía Basket Cup reunirá máis de 7.000 deportistas e acompañantes". La Voz de Galicia (en castelán). 2024-03-25. Consultado o 2024-04-14.
- ↑ Es una sensación fantástica
- ↑ "«Son un privilexiado, traballo nun dos mellores clubs de básquet de Europa»". LVG. 2008-08-16. Consultado o 2024-04-13.
- ↑ "Curro Segura entrenará al Obradoiro y Alberto Blanco será el director técnico". Arquivado dende o orixinal o 25 de abril de 2019. Consultado o 25 de abril de 2019.
- ↑ "Alberto Blanco renueva un año con el Lietuvos Rytas". La Voz de Galicia (en castelán). 2016-06-29. Consultado o 2024-04-13.
- ↑ Alberto Blanco regresa al Lietuvos Rytas como ayudante de Kurtinaitis
- ↑ Alberto Blanco se consolida en la élite del básket lituano
- ↑ elnortedecastilla.es Alberto Blanco, nuevo entrenador ayudante del Palencia Baloncesto, consultado en junio de 2019
- ↑ hoy.es Alberto Blanco, nuevo director general del Cáceres, consultado en julio de 2022
- ↑ "Alberto Blanco continuará como 'hombre fuerte' del Cáceres".
- ↑ "El Cáceres y Alberto Blanco acuerdan la rescisión".
Véxase tamén
[editar | editar a fonte]Ligazóns externas
[editar | editar a fonte]- Chechu Mulero e Alberto Blanco, primeiros relatores no 'clinic' do IES Bouza Brey (LVG)
- O español Alberto Blanco adestrará a Mozambique Arquivado 25 de abril de 2019 en Wayback Machine. (Diario de León, en castelán)