Alejandro Porto Leis

Alejandro Porto Leis
	;
Biografía
Nacemento	1887 ; Serantes, España
Morte	3 de febreiro de 1938 (50/51 anos); Lago, España
Causa da morte	paseo, ferida por arma de fogo
Alcalde de Serantes
Actividade
Ocupación	político, electricista

Alejandro Porto Leis, nado en Serantes (Serantes) en 1887 e finado na Frouxeira (Valdoviño) o 3 de febreiro de 1938, foi un electricista naval e político galego.

Traxectoria

Emigrante na mocidade a Cuba e aos Estados Unidos, volveu á súa vila a finais da década de 1920 para traballar como electricista en Bazán. Militante da ORGA, presentouse a alcalde por esta formación nas eleccións de 1931, e saíu elixido alcalde. Foi detido a principios de xaneiro de 1934 pola detención do cura párroco de Serantes Salustiano Rodríguez Celeiro.^[1] Logo da folga xeral revolucionaria de 1934 foi detido, xulgado en Consello de guerra e condenado por posuír unha arma, tamén foi destituído como concelleiro de Serantes.^[2] Saíu en liberdade en outubro de 1935 e foi amnistiado en 1936. Integrouse en Izquierda Republicana. Logo do triunfo da Fronte Popular en febreiro de 1936 foi restituído como alcalde de Serantes o 21 de febreiro.^[3]

Ao producirse o golpe de Estado do 18 de xullo de 1936, Porto Leis escapou ao monte, onde permaneceu agochado ata 1938 cando acudiu a un médico. O médico delatouno e prendérono canda outros tres homes cos que estaba agochado, os labregos Modesto del Río e Jesús Miño e o carpinteiro Avelino Landeira. Foron executados sen xuízo na praia. Aínda que en 2006 se anunciou^[4] que se descubrira a foxa común onde estaban soterrados, a localización exacta do lugar de soterramento segue sendo descoñecido.^[5] Desde 2011 existe un monólito conmemorativo dos catro homes executados en Serantes.^[6]

Obras

Publicou en 1933 o poemario Intemperancias poéticas, con versos en castelán e galego.

Transcendencia

A historia recolleuna no documental O segredo da Frouxeira o cineasta Xosé Abad.

Notas

↑ El Ideal Gallego, 4-1-1934, p. 1.
↑ El Ideal Gallego, 15-9-1934, p. 1.
↑ El Correo Gallego, 23-2-1936, p. 1.
↑ Localizan la fosa del último alcalde de Serantes, páxina persoal, reproducindo un artigo de Diario de Ferrol do 24/8/2006
↑ "El alcalde fugitivo", El País, 4/12/2009 (en castelán).
↑ "Ferrol recordará el último alcalde de Serantes, fusilado en 1938". ABC (en castelán). 10de febreiro de 2011. Arquivado dende o orixinal o 18 de xullo de 2012. Consultado o 14 de abril de 2011.

Predecesor: Julián Maneiros Robles	Alcalde de Serantes 1931 - 1934	Sucesor: Agustín Freire Varela
Predecesor: ?	Alcalde de Serantes 1936	Sucesor: ?

[1] El Ideal Gallego, 4-1-1934, p. 1.

[2] El Ideal Gallego, 15-9-1934, p. 1.

[3] El Correo Gallego, 23-2-1936, p. 1.

[4] Localizan la fosa del último alcalde de Serantes, páxina persoal, reproducindo un artigo de Diario de Ferrol do 24/8/2006

[5] "El alcalde fugitivo", El País, 4/12/2009 (en castelán).

[6] "Ferrol recordará el último alcalde de Serantes, fusilado en 1938". ABC (en castelán). 10de febreiro de 2011. Arquivado dende o orixinal o 18 de xullo de 2012. Consultado o 14 de abril de 2011.

[1]

[2]

[3]

[4]

[5]

[6]