Aleksei Nikolaevich Tolstoi

Aleksei Nikolaevich Tolstoi
	;
Nome orixinal	(ru) Алексе́й Никола́евич Толсто́й
Biografía
Nacemento	29 de decembro de 1882 (Xuliano) ; Pugachyov, Rusia (pt)
Morte	23 de febreiro de 1945 (62 anos); Moscova, Rusia
Causa da morte	cancro
Lugar de sepultura	cemiterio Novodevichii
Membro do Consello Supremo da Unión Soviética
Datos persoais
Educación	Saint Petersburg State Institute of Technology (en)
Actividade
Campo de traballo	Literatura infantil, ciencia ficción, drama e literatura de ciencia ficción
Ocupación	dramaturgo, escritor de literatura infantil, guionista, escritor de ciencia ficción, novelista, escritor, poeta, político
Período de actividade	1907 -
Membro de	USSR Union of Writers (en) (presidente) (1936–1938); Academia de Ciencias da URSS ; Academia de Ciencias de Rusia
Xénero artístico	Novela histórica e literatura de ciencia ficción
Movemento	Realismo socialista
Obra
	Obras destacables (1936) The Golden Key, or the Adventures of Buratino (en) ;
Outro
Título	Conde
Familia	Tolstoi
Cónxuxe	Natalia Vasilyenva Krandievskaya
Fillos	Nikita A. Tolstoy, Dmitry Tolstoy
Pais	Nikolay Tolstoy e Alexandra Bostrom
Premios
	Premio Stalin; Orde da Insignia de Honra; Bandeira Vermella do Traballo; Orde de Lenin; Medalla polo Traballo Valente na Gran Guerra Patria 1941-1945 ;
	Sinatura
Descrito pola fonte	Concise Literary Encyclopedia (en) , (vol:7); Grande Enciclopedia Soviética 1969-1978, (vol:26 : Тихоходки — Ульяново, sec:Толстой Алексей Николаевич, p.50); Obálky knih,

Aleksei Nikolaevich Tolstoi (en ruso: Алексей Николаевич Толстой), nado en Pugachov o 10 de xaneiro de 1883 e finado en Moscova o 23 de febreiro de 1945, tamén chamado Camarada Conde, foi un escritor ruso soviético autor de escritos de moitos xéneros, aínda que especializado na ficción científica e nas novelas históricas.

Traxectoria

De familia nobre, naceu en Pugachov. Aleksei era fillo do conde Nikolai Aleksandrovich Tolstoi (1849–1900) e de Aleksandra Leontievna Turgeneva (1854–1906). A súa nai era sobriña neta do decembrista Nikolai Turgenev e parente do destacado escritor Ivan Turgenev. O seu pai pertencía á familia Tolstoi e era parente remoto de Lev Tolstoi.

Cursou o ensino secundario en Samara e os estudos superiores no Instituto Tecnolóxico de San Petersburgo. Ao terminar a carreira dedicouse á literatura e nun principio cultivou a poesía de tendencia simbolista. Posteriormente afastouse dela. Destacou como prosista, sobre todo cos seus relatos do ciclo A rexión do Volga (1910-1911), para os que tomou como modelos literarios a Turgenev, a Tolstoi e a Gogol. Entre 1914 e 1916 foi correspondente de guerra.

Hostil á Revolución de Outubro, en 1918 emigrou, mais en 1923 rectificou a súa posición e volveu ao seu país. Escribiu Детство Никиты ("A infancia de Nikita"), novela autobiográfica; a triloxía Хождение по мукам (1920-1941); novelas de ficción científica como Aelita e Гиперболоид инженера Гарина ("O hiperboloide do enxeñeiro Garin"); relatos sobre o paso da guerra á vida civil como Гадюка ("A víbora"); o drama Иван Грозный ("Iván o Terrible") e a súa gran novela histórica (da que a terceira parte quedou sen rematar) Пётр I ("Pedro I"), en que estivo traballando dezaseis anos, de 1919 a 1935.

Durante a segunda guerra mundial, serviu na Comisión Extraordinaria do Estado de 1942-1947 que "verificou sen dúbida razoable" o exterminio en masa de xente nas cámaras de gas polos ocupantes alemáns. Durante os xuízos de Nürnberg, os fiscais soviéticos recoñeceron o seu traballo na investigación das atrocidades cometidas na rexión de Stavropol.

Académico dende 1939, foi laureado con diversos e importantes premios.

Legado

Tolstoi está recoñecido por producido algúns dos primeiros exemplos de ficción científica en ruso. As súas novelas Aelita (1923) sobre unha viaxe a Marte e Гиперболоид инженера Гарина (1927) tiveron unha inmensa popularidade entre o público. A primeira foi adaptada nun filme pioneiro na ficción científico en 1924. O seu relato sobrenatural Conde Cagliostro, inspirou o filme de 1984 Formula lyubvi.

En 1974, un planetoide descuberto pola astrónoma soviética Lyudmila Zhuravlyova foi nomeado 3771 Alexejtolstoj na súa honra.^[1]

Obras destacadas

Novelas

Чудаки, 1910
Хромой барин, 1912
Aelita, 1923
Похождения Невзорова или Ибикус, 1924
Гиперболоид инженера Гарина, 1927
Эмигранты, 1931
Хождение по мукам, 1922-1941, triloxía
Пётр I, 1945

Novelas curtas

Детство Никиты, 1922
Гадюка, 1928
Русский характер, 1944
Иван Грозный, 1942-1943

Notas

↑ Schmadel, Lutz D. (2003). Dictionary of Minor Planet Names (5.ª ed.). Nova York: Springer Verlag. p. 319. ISBN 3-540-00238-3.

Véxase tamén

Bibliografía

Ehrenburg, Ilya (1963). Memoirs: 1921–1941. Cleveland, Ohio: World Publishing.
Tolstoi, Nikolai (1983). The Tolstoys. Twenty-four generations of Russian history. Hamish Hamilton. ISBN 0-241-10979-5.

Ligazóns externas

[1] Schmadel, Lutz D. (2003). Dictionary of Minor Planet Names (5.ª ed.). Nova York: Springer Verlag. p. 319. ISBN 3-540-00238-3.

[1]