Aníbal Lamas
| Biografía | |
|---|---|
| Nacemento | 1893  Xunqueira de Ambía, España |
| Morte | 5 de novembro de 1936 (42/43 anos) Ourense, España |
| Causa da morte | pena de morte, ferida por arma de fogo |
| Actividade | |
| Ocupación | comerciante, político |
 | |
Aníbal Lamas Cid, nado en Xunqueira de Ambía cara a 1893 e finado en Ourense o 5 de novembro de 1936, foi un comerciante e político galego.
Traxectoria
[editar | editar a fonte]Comerciante de Xunqueira de Ambía establecido en Buenos Aires, retornou a Galicia en 1929.[1] Cando rematou a ditadura de Primo de Rivera foi alcalde de Xunqueira de Ambía.[2] Na República, foi elixido concelleiro de Xunqueira de Ambía polo Partido Republicano Radical Socialista en 1931 e nomeado primeiro tenente alcalde na corporación presidida por Clemente Cid Selas.[3] Mantiña un enfrontamento co concelleiro Santiago Camba, antigo upetista e membro da Unión Monárquica Nacional e despois dirixente do Partido Republicano Radical. Foi suspendido como concelleiro por gobernador civil en outubro de 1931.[4][5] Foi responsable local do PRRS.[6] Foi denunciado como cacique pola sociedade agraria La Aurora en decembro de 1932.[7] Foi declarado responsable de máis de 38.000 pesetas como membro das corporacións que actuaron entre o 26 de febreiro de 1930 e 31 de maio de 1933, resolución contra a que interpuxo recurso contencioso administrativo que nunca chegou a resolverse.[8] Despois integouse en Unión Republicana.[9] Foi proclamado candidato por Unión Republicana para as eleccións de febreiro de 1936.[10] Foi candidato por Unión Republicana a compromisario para a elección do presidente da República polas minorías en abril de 1931,[11] e resultou elixido.[12]
Cando se produciu o golpe de Estado do 18 de xullo de 1936 estivo no Goberno civil de Ourense dende o día 18 ás ordes do gobernador Gonzalo Martín March formando parte do Comité de Defensa da República. Foi detido o 23 de xullo e liberado a mediados de agosto por orde do comandante militar Luis Soto Rodríguez. Novamente detido e procesado o 28 de setembro, foi xulgado en Ourense en consello de guerra por traizón o 24 de outubro,[13] e condenado a pena de morte. Foi executado no Campo de Aragón, de Ourense, o 5 de novembro de 1936.[14] Abríronlle expediente de responsabilidades políticas e foi condenado á perda total dos seus bens en abril de 1941.[15]
Na literatura
[editar | editar a fonte]Aníbal Lamas aparece no relato "O militante fantasía" incluído no libro Arraianos de Xosé Luís Méndez Ferrín (1991).
Notas
[editar | editar a fonte]- ↑ El Pueblo Gallego, 20-6-1929, p. 13.
- ↑ La Región, 20-2-1931, p. 1.
- ↑ La Región, 14-6-1931, p. 3.
- ↑ La Zarpa, 18-10-1931, p. 12.
- ↑ Galicia, 10-11-1931, p. 8.
- ↑ El Pueblo Gallego, 17-6-1932, p. 10.
- ↑ Galicia, 15-12-1932,p. 1.
- ↑ El Pueblo Gallego, 28-7-1935, p. 15.
- ↑ El Pueblo Gallego, 28-11-1935, p. 11.
- ↑ El Pueblo Gallego, 12-2-1936, p. 11.
- ↑ El Pueblo Gallego, 28-4-1936, p. 10.
- ↑ El Pueblo Gallego, 29-4-1936, p. 13.
- ↑ La Región, 25-10-1936, p. 3.
- ↑ La Región, 6-11-1936, p. 3.
- ↑ BOE, 22-4-1941, p. 1575.
Véxase tamén
[editar | editar a fonte]Bibliografía
[editar | editar a fonte]- Cabo Villaverde, Miguel; Soutelo Vázquez, Raúl (2000). "As liñas tortas da República, unha visión de conxunto sobre o poder local na provincia de Ourense, 1931-1936". Grial (148): 619–645.
- Prada Rodríguez, Julio (2004). Ourense, 1936-1939. Alzamento, guerra e represión. Sada: Do Castro. pp. 41–64. ISBN 978-84-8485-157-8.
- Prada Rodríguez, Julio (2008). "«... en este municipio no se conocía otra política que la de los bandos». Unha aproximación ó poder local na provincia de Ourense (1917-1936)". A patria enteira. Homenaxe a Xosé Ramón Barreiro Fernández. Santiago de Compostela: Universidade de Santiago de Compostela. pp. 277–305. ISBN 978-84-9887-000-8.
Ligazóns externas
[editar | editar a fonte]| Predecesor: ? |
 Alcalde de Xunqueira de Ambía 1930 - 1931 |
Sucesor: Clemente Cid Selas |
